ВУД сабаб ва зарари сӯхтор дар бозори Хоруғро муайян кард

CC BY-SA 3.0 / wikipedia / Zack Knowles / Город Хорог, архивное фото
Город Хорог, архивное фото - Sputnik Тоҷикистон, 1920, 29.05.2022
Обуна шудан
Сӯхтор дар бозори марказии шаҳри Хоруғро 10 адад мошини обпош, насосҳои ёрирасон ва 500 нафар аз кормандони сохторҳои қудратӣ хомӯш намуданд
ДУШАНБЕ, 29 май — Sputnik. Вазорати умури дохилаи Тоҷикистон сабаби сар задани сӯхтор дар бозори марказии шаҳри Хоруғро муайян намуд. Ҳамчунин ҳаҷми хисорот низ дақиқ шуд.
Бар хабари дафтари матбуоти ВУД, расиши кӯтоҳи ноқилҳои барқӣ дар яке аз дӯконҳои хӯроки тезтайёр, сабаби сар задани оташсӯзӣ гардидааст.
Манбаъ меафзояд, дар натиҷаи сӯхтор яке аз биноҳои марказӣ дар ҳаҷми тахминан 500 метр мукааб, ки 48 мағозаро дарбар мегирад, аз оташ зарари ҷиддӣ дида, 14 мағозаи дигар қисман хароб гардиданд.
Вазорат мегӯяд, тибқи ҳисобҳои пешакӣ, ҳаҷми зарари расида аз сӯхтор ба як миллион сомонӣ баробар аст.
Огонь - Sputnik Тоҷикистон, 1920, 29.05.2022
Сӯхтор дар Хоруғ: Мирзонабот ҷаласаи фаврӣ баргузор кард
Гуфта мешавад, дар хомӯш кардани алангаи оташ, 10 мошини обпош аз ноҳияҳои Рӯшону Шуғнон, Роштқалъа ва шаҳри Хоруғ ҷалб карда шуданд. Илова бар, ин 500 корманди сохторҳои дахлдор бо насосҳои иловагӣ оташро хомӯш намуданд.
Хушбахтона, бар асари ин ҳодисаи нохуш талафоти ҷонӣ ба қайд гирифта нашудааст.
Қаблан хабар додем, ки расиси вилоят Алишер Мирзонабот аллакай аз бозор дидан карда бо соҳибкороне, ки аз сӯхтор зарар дидан, суҳбат доир намуд.
ВУД Тоҷикистон меафзояд, вобаста ба ҳодисаи сӯхтор аз тарафи прокуратураи ВМКБ санҷишҳои пешакӣ оғоз шуда, чораҳои қонунӣ андешида мешавад.
Лентаи хабарҳо
0