Ҳалокати зани 72-сола зери чархи мототсикл дар Душанбе

© PixabayМотоцикл, архивное фото
Мотоцикл, архивное фото - Sputnik Тоҷикистон, 1920, 31.05.2022
Обуна шудан
Ронанда аз уҳдаи идораи нақлиёт набаромада, пиёдагардонро пахш мекунад, ки ҳоло мақомот дар ҳоли мушаххас кардани ҷузъиёти ин ҳодисаи маргбор ҳастанд
ДУШАНБЕ, 31 май — Sputnik. Вазорати умури дохилии Тоҷикистон аз марги мудҳиши як зани солхӯрда дар пайи садамаи нақлиётӣ дар шаҳри Душанбе хабар медиҳад.
Бино ба гузориши манбаъ, ин ҳодисаи нохуш пас аз зуҳри 30-юми май, тахминан соати 15:00 рух додааст.
Ронандаи мототсикли тамғаи "Хонда", ки боиси марги ин зан шуд, сокини 30- солаи шаҳри Ваҳдат Нуров Умедҷон Гадоалиевич будааст.
Гуфта мешавад, ӯ ҳангоми ҳаракат дар кӯчаи С. Шерозии шаҳри Душанбе аз уҳдаи идораи воситаи нақлиёт набаромада, пиёдагардон Шарипова Турсунхони 74-сола ва Бобоқулова Гулафзои 7-сола, сокинони шаҳри Душанберо пахш кардааст.
Дар натиҷа пиёдагардонон ҷароҳатҳои вазнии чисмонӣ бардошта, Шарипова Турсунхони солхӯрда бошад, дар беморхона баҳалокат расидааст.
ВУД мегӯяд, вобаста ба ин ҳодиса таҳқиқот идома дорад.
Дорожный знак, архивное фото - Sputnik Тоҷикистон, 1920, 10.05.2022
Се садамаи маргбор дар рӯзҳои истироҳатӣ: ВКД гуфт, бо гуноҳи ронандагон сар задаанд
Ёдовар мешавем, ахиран ин ниҳод хабар дода буд, ки ронандаи автомашинаи тамғаи “Дэу матиз”, Сафаров Раҳмони 58-сола, сокини шаҳри Кӯлоб ҳангоми ҳаракат дар маҳаллаи Чармгарони Поён аз уҳдаи идораи воситаи нақлиёт набаромада, ба чуқурии канори рости роҳ автомашинаро чаппа намудааст.
Дар натиҷа худи ронанда дар ҷойи ҳодиса ба ҳалокат мерасад, мусофираш Худойбердиев Нуралиии 43-сола ҷароҳатҳои гуногуни ҷисмони бардошта, дар беморхона бистари гардидааст.
Ҳамзамон ронандаи "Ваз-21015" Шарифзода Саидшои 21-сола дар Душанбе зани 46-соларо пахш мекунад, ки ӯ дар ҷойи ҳодиса ба ҳалокат расидааст.
Лентаи хабарҳо
0