https://sputnik.tj/20220603/bozdidi-rahmon-va-mirziyoev-az-parki-tekhnikii-toshkand-1048893715.html
Боздиди Раҳмон ва Мирзиёев аз парки техникии Тошканд
Боздиди Раҳмон ва Мирзиёев аз парки техникии Тошканд
Sputnik Тоҷикистон
Сарони давлатҳо бо молҳое, ки дар корхона истеҳсол мешаванд, аз қабили кондитсионер, лифт, эскалаторҳо, лавозимоти дару тиреза шинос шуданд
2022-06-03T10:08+0500
2022-06-03T10:08+0500
2022-06-03T12:53+0500
дар тоҷикистон
ӯзбекистон
сиёсат
ҳамкорӣ
эмомалӣ раҳмон
шавкат мирзиёев
https://cdnn1.img.sputnik.tj/img/07e6/06/03/1048892534_0:7:799:456_1920x0_80_0_0_73f85ca5ea08b09eb5815765bb062030.jpg
ДУШАНБЕ, 3 июн — Sputnik. Эмомалӣ Раҳмон, раисҷумҳури Тоҷикистон ва Шавкат Мирзиёев, раисҷумҳури Узбекистон аз технопарки Тошканд дидан карданд. Дар ин бора дафтари матбуотии президент гузориш медиҳад.Гуфта мешавад, дар ин маҷмаи саноатӣ 17 лоиҳа ба маблағи 365 миллион доллар бунёд ёфта, то имрӯз 13-тои он ба кор андохта шудааст. Технопарк ҳисобкунакҳои электронӣ барои обу газ, яхдон, кондитсионери саноатӣ ва системаҳои хунуккунӣ, лифт, эскалатор, лавозимот барои дару тиреза истеҳсол мекунад. Ба иттилои манбаъ, соли ҷорӣ дар ин маҷмаъ корхонаҳои истеҳсоли оиқ (изолятор), таҷҳизоти гармидиҳии об, асбобҳои ошхона ва маркази логистикӣ ба кор медароянд.Зимни боздид ба президенти Тоҷикистон дар бораи бартариҳои маҳсулоте, ки дар технопарк истеҳсол мешавад, иттилоъ ироа шуд. Онҳо бо тамғаҳои хориҷӣ низ истеҳсол карда мешаванд ва ба ин мол дар дигар мамлакатҳо талабот зиёд аст. Мирзиёев зарурати ҳамкории зич байни вазоратҳои дахлдори ду кишвар, татбиқи лоиҳаҳои муштарак, тавсеаи ҳамкориҳои саноатӣ ва тиҷоратро қайд кард, таъкид кард хадамоти матбуоти президенти Ӯзбекистон. Технопарки Тошканд соли 2019 ба истифода дода шуда, ҳоло дар ин корхона қариб 5 ҳазор нафар кор мекунанд.Илова бар ин сарони давлатҳо бо намоишгоҳи маҳсулоти саноатӣ ва кишоварзӣ шинос шуданд. Дар он маҳсулоти 24 ширкат аз 14 шаҳру вилояти Ӯзбекистон ба намоиш гузошта шуд. Раҳмон ва Мирзиёев ба роҳбарони соҳаҳои дахлдори кишварҳо дастур доданд, ки ҳамкориҳои зич ва муассир роҳандозӣ намуда, лоиҳаҳои муштарак таҳия намоянд. Ёдовар мешавем, ки сафари расмии Раҳмон ба ҷумҳурии ҳамсоя то 3 июн идома мекунад.Сарвари давлатро дар ин сафар муовини аввали сарвазири кишвар, вазири корҳои хориҷӣ, ёрдамчии президент оид ба корҳои хориҷӣ ва бисёр шахсони дигар ҳамроҳӣ мекунанд.
https://sputnik.tj/20220602/imzo-sanad-tojikistonu-uzbekiston-1048889500.html
ӯзбекистон
Sputnik Тоҷикистон
info@sputnik.tj
+74956456601
MIA „Rosiya Segodnya“
2022
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
боздид раҳмон мирзиёев парки техникӣ тошканд
боздид раҳмон мирзиёев парки техникӣ тошканд
Боздиди Раҳмон ва Мирзиёев аз парки техникии Тошканд
10:08 03.06.2022 (Навсозишуда: 12:53 03.06.2022) Сарони давлатҳо бо молҳое, ки дар корхона истеҳсол мешаванд, аз қабили кондитсионер, лифт, эскалатор, лавозимоти дару тиреза шинос шуданд
ДУШАНБЕ, 3 июн — Sputnik. Эмомалӣ Раҳмон, раисҷумҳури Тоҷикистон ва Шавкат Мирзиёев, раисҷумҳури Узбекистон аз технопарки Тошканд дидан карданд. Дар ин бора дафтари матбуотии президент гузориш медиҳад.
Гуфта мешавад, дар ин маҷмаи саноатӣ 17 лоиҳа ба маблағи 365 миллион доллар бунёд ёфта, то имрӯз 13-тои он ба кор андохта шудааст.
Технопарк ҳисобкунакҳои электронӣ барои обу газ, яхдон, кондитсионери саноатӣ ва системаҳои хунуккунӣ, лифт, эскалатор, лавозимот барои дару тиреза истеҳсол мекунад.
Ба иттилои манбаъ, соли ҷорӣ дар ин маҷмаъ корхонаҳои истеҳсоли оиқ (изолятор), таҷҳизоти гармидиҳии об, асбобҳои ошхона ва маркази логистикӣ ба кор медароянд.
Зимни боздид ба президенти Тоҷикистон дар бораи бартариҳои маҳсулоте, ки дар технопарк истеҳсол мешавад, иттилоъ ироа шуд. Онҳо бо тамғаҳои хориҷӣ низ истеҳсол карда мешаванд ва ба ин мол дар дигар мамлакатҳо талабот зиёд аст.
Мирзиёев зарурати ҳамкории зич байни вазоратҳои дахлдори ду кишвар, татбиқи лоиҳаҳои муштарак, тавсеаи ҳамкориҳои саноатӣ ва тиҷоратро қайд кард, таъкид кард хадамоти матбуоти президенти Ӯзбекистон.
Технопарки Тошканд соли 2019 ба истифода дода шуда, ҳоло дар ин корхона қариб 5 ҳазор нафар кор мекунанд.
Илова бар ин сарони давлатҳо бо намоишгоҳи маҳсулоти саноатӣ ва кишоварзӣ шинос шуданд. Дар он маҳсулоти 24 ширкат аз 14 шаҳру вилояти Ӯзбекистон ба намоиш гузошта шуд.
Раҳмон ва Мирзиёев ба роҳбарони соҳаҳои дахлдори кишварҳо дастур доданд, ки ҳамкориҳои зич ва муассир роҳандозӣ намуда, лоиҳаҳои муштарак таҳия намоянд.
Ёдовар мешавем, ки сафари расмии Раҳмон ба ҷумҳурии ҳамсоя то 3 июн идома мекунад.
Сарвари давлатро дар ин сафар муовини аввали сарвазири кишвар, вазири корҳои хориҷӣ, ёрдамчии президент оид ба корҳои хориҷӣ ва бисёр шахсони дигар ҳамроҳӣ мекунанд.
