Мутахаби Тоҷикистон тими Мянмарро голборон кард

© Федерация футбола ТаджикистанаСборная Таджикистана по футболу
Сборная Таджикистана по футболу - Sputnik Тоҷикистон, 1920, 08.06.2022
Обуна шудан
Yandex newsTelegram
Мунтахаби Тоҷикистонро ду бозии дигар бо тими Сингапур дар рӯзи 11 июн ва бо футболбозони Қирғизистон дар рӯзи 14 июн интизор аст
ДУШАНБЕ, 8 июн — Sputnik. Тими мунтахаби Тоҷикистон дар аввали бозии гурӯҳии марҳилаи муқаддамотии Ҷоми Осиё-2023 бо мунтахаби Мянмар вориди майдони бозӣ шуданд.
Федератсияи футболи Тоҷикистон хабар медиҳад, ки вохӯрии дастаҳо дар варзишгоҳи ба номи Долон Омурзоқови шаҳри Бишкек сурат гирифта, бо ҳисоби бузурги 4 бар 0 ба нафъи мунтахаби Тоҷикистон ба анҷом расид.
Голҳоро дар ҳайати мунтахаби Тоҷикистон Шервони Мабатшоев, Манучеҳр Ҷалилов ва Эҳсони Панҷшанбеба ҳадаф расонданд.
Встреча председателя согдийской области с руководством Федерации футбола Таджикистана - Sputnik Тоҷикистон, 1920, 08.06.2022
Аҳмадзода бо ноиби Рустами Эмомалӣ рушди футбол дар Суғдро баррасӣ кард
Манбаъ меафзояд, тими мунтахаби Тоҷикистон дар даврҳои минбаъда дар гурӯҳи "F" бо Сингапур ва Қирғизистон бозӣ хоҳад кард. Бозии мунтахаби Тоҷикистон бо футболбозони Сингапур рӯзи 11 июн ва бо дастаи Қирғизистон рӯзи 14 июн сурат мегирад.
Гуфта мешавад, ҳамаи бозиҳо дар варзишгоҳи ба номи Долон Омурзоқови шаҳри Бишкек баргузор мешаванд.
Бар асоси натоиҷи марҳилаи интихобӣ, ғолибони шаш гурӯҳи интихобӣ ва панҷ дастаи беҳтарини дар зинаи дуюм ҷойгирифта ба қисмати финалии Ҷоми Осиё-2023 роҳ меёбанд.
Лентаи хабарҳо
0