Бо кӯмаки мардум ҳудуди 100 километр роҳи Хуҷанд – Ашт таъмир мешавад

© Sputnik / Амир ИсаевРемонт дорог в Таджикистане
Ремонт дорог в Таджикистане - Sputnik Тоҷикистон, 1920, 10.06.2022
Обуна шудан
Роҳи ноҳияи Ашт, ки ин минтақаро бо шаҳри Хуҷанд мепайвандад, чандин сол аст, дуруст таъмир нашудааст ва ҳоло харобу валангор менамояд
ДУШАНБЕ, 10 июн – Sputnik. Бо гузашти 8 сол роҳи Хуҷанд – Ашт акнун мумфарш мешавад.
Маблағи таъмири роҳро сокинони деҳоти ноҳияи Ашт, аз ҷумла соҳибкорон ҷамъ намудаанд.
Ҷамшед Маҳмудзода, муовини раиси ноҳияи Ашт дар суҳбат ба Sputnik Тоҷикистон гуфт, роҳи Хуҷанд – Ашт аҳамияти байналмилалӣ ва 94 километр тӯл дорад.
Сокинони Ашт барои таъмири роҳ беш аз як миллион сомонӣ маблағ ҷамъ кардаанд.

“Роҳ бо асфалти гарм таъмири ҷорӣ карда мешавад. Ин кор имкон фароҳам хоҳад овард, то шароити равуои мардум бо маркази вилояти Суғд ва дигар минтақаҳои кишвар беҳтар гардад”, - афзуд муовини раиси ноҳия.

Таъмири ин роҳ дирӯз шуруъ шудааст ва дар кори он даҳҳо нафар аз сокинон ба ҳашар баромадаанд. Дар аксҳое, ки дафтари матбуотии раиси ноҳия нашр намуд, дида мешавад, масъулини ҳукумат ҳам дар канори дигар сокинон ба таъмири роҳ даст ба кор шудаанд.
Последствия ливневых дождей  - Sputnik Тоҷикистон, 1920, 31.05.2022
Сели харобиовар дар Ашт ҳафт пул ва ҳашт километр роҳро хароб кард
То ин замон ин роҳ бо асфалти сард ва гоҳе бо хоку рег таъмир мешуд, вале дере нагузашта вайрону хароб мегардид.
Ноҳияи Ашт, яке аз 11 шаҳру навоҳии субвенсионии Суғд маҳсуб мешавад. Дар ин феҳрист 11 шаҳру ноҳияи вилояти Суғд ворид аст, ки он аз Зафаробод, Деваштич, Конибодом, Кӯҳистони Мастчоҳ, Исфара, Истиқлол, Спитамен, Ҷ. Расулов, Шаҳристон, Мастчоҳ ва Ашт иборат мебошад. Ин навоҳӣ ба далели пӯшонида натавонистани хароҷоти худ ҳамасола аз ҳисоби буҷеаи вилоят маблағҳои субвенсионӣ мегиранд.
Бино ба иттилои дарёфтии Sputnik Тоҷикистон, аз 110 миллион сомонии буҷаи солонаи ҳукумати Ашт 57 дарсад ё 62,7 миллион сомонии он аз ҳисоби субвенсияи таъмин карда мешавад.
Таъмири куллии роҳи Хуҷанд – Ашт дар барномаи рушди роҳсозии кишвар барои солҳои 2022-2026 ҳамроҳ шудааст. Ин нукта дар паёми раисҷумҳур зикр шудааст.
Лентаи хабарҳо
0