Тоҷикистон бозии дуюмашро дар Ҷоми Осиё зидди Сингапур мегузаронад

© Федерация футбола ТаджикистанаСборная Таджикистана по футболу
Сборная Таджикистана по футболу - Sputnik Тоҷикистон, 1920, 11.06.2022
Обуна шудан
Yandex newsTelegram
Яккачини Тоҷикистон пас аз бозӣ бо Сингапур дар даври сеюми рақобатҳои интихобӣ бо мунтахаби Қирғизистон вориди сабқат мешавад
ДУШАНБЕ, 11 июн — Sputnik. Дастаи мунтахаби Тоҷикистон дар даври дуюми мусобиқаи интихобии Ҷоми Осиё-2023 бо тими Сингапур бозӣ мекунад.
Ин дидор имрӯз, 11-уми июн, дар варзишгоҳи ба номи Долон Омурзоқови шаҳри Бишкек доир мешавад.
Тавре аз Федератсияи футболи кишвар (ФФТ) хабар доданд, вохӯрӣ соати 15:30 ба вақти Душанбе оғоз мешавад.
Ёдовар мешавем, ки дар даври аввали мусобиқот мунтахаби Тоҷикистон бар Мянмар дастболо шуда, ба дарвозаи ҳариф чаҳор голи беҷавоб зад.
Петр Сегрт, главный тренер сборной Таджикистана - Sputnik Тоҷикистон, 1920, 07.06.2022
Сегрт гуфт, ҳадафи асосии яккачини Тоҷикистон дар Ҷоми Осиё чист
Маврид ба зикр аст, ки мунтахабҳои Тоҷикистон, Қирғизистон, Сингапур ва Мянмар, ки дар гурӯҳи "F" ҳастанд, барои баромадан ба марҳилаи ниҳоии мусобиқа миёни ҳам мубориза мебаранд.
Сармураббии тими миллии Тоҷикистон Петр Сегрт қаблан гуфта буд, ки ҳарифони Тоҷикистон заиф нестанд ва ҳама барои ғалаба мубориза мебаранд.
"Дастаҳо дар сатҳи наздиканд, мо ҳар як рақибро эҳтиром мекунем ва мубориза хоҳем бурд. Рақибони худро хуб омӯхтем ва ҳоло тамоми диққатамонро ба бозии аввал бо яккачини Мянмар равона кардаем", - гуфтааст Сегрт.
Мутахассиси хорватӣ аз ҳайат, омодагӣ ва интихоби бозигарон изҳори қаноатмандӣ карда гуфтааст, ки яккачини Тоҷикистон дар давраи ҷамъомади таълимӣ-тамринӣ, ки дар Дубай баргузор шуд, ба таври ҷиддӣ кор кард.
Лентаи хабарҳо
0