https://sputnik.tj/20220613/davron-ergashev-tojikiston-tark-1049145494.html
Даврон Эргашев тими миллии Тоҷикистонро тарк кард: сабаб
Даврон Эргашев тими миллии Тоҷикистонро тарк кард: сабаб
Sputnik Тоҷикистон
Ҳимоятгари тоҷик, капитани дастаи миллӣ Даврон Эргашев ба далели ихтилофи назар бо мураббӣ Питер Сегрт мунтахаби кишварро тарк кард 13.06.2022, Sputnik Тоҷикистон
2022-06-13T14:10+0500
2022-06-13T14:10+0500
2023-07-04T17:43+0500
футбол
дар тоҷикистон
навигариҳои варзиши тоҷикистон
тарк карданд
https://cdnn1.img.sputnik.tj/img/07e6/06/0d/1049144124_0:0:1200:676_1920x0_80_0_0_7641dada4c2f3ee965bfb0f911f0b7ff.jpg
ДУШАНБЕ, 13 июн — Sputnik. Футболбози тоҷик, ки феълан дар тими "Бунёдкор"-и Ӯзбекистон бозӣ мекунад, мунтахаби миллии кишварро тарк кардааст. Ёдовар мешавем, ки даста ҳоло дар Бишкек қарор дорад ва дар сабқати интихобии Ҷоми Осиё-2023 бозӣ мекунад. Даврон Эргашев пас аз ихтилофи назар бо сармураббии тими миллии Хорватия Петр Сегрт ба бошгоҳи худ "Бунёдкор" рафт. Бино ба иттилоъи манбаъи Sputnik Тоҷикистон, муносибати ин бозигари тоҷик ва сармурабии хорватӣ "гарм нашуд" ва ин бозигар аз тими мунтахаби кишвар хориҷ шуд. Ба гуфтаи манбаъ дар тими миллии Тоҷикистон, Даврон ва Сегрт ба далели он ки футболбози тоҷик дархости мутахассиси хорватиро иҷро накардааст, ҷанҷол кардаанд. Гуфта мешавад, ки Сегрт аз Эргашев талаб кардааст, ки аз роҳбарияти тими миллӣ дар бораи мукофотпулӣ пурсад. Тавре манбаъ гуфт, варзишгар ин дархостро рад кард ва мураббӣ ин амалашро дарк накард. Масъулини даста аз шарҳи ин хабар худдорӣ карданд. Қобили зикр аст, ки ҳоло дар назди тими миллӣ вазифаи ҳалкунанда гузошта шудааст, даста барои роҳхат ба Ҷоми Осиё мубориза мебарад. Ёдовар мешавем, ки Даврон Эргашев чанд мавсим боз дар “Бунёдкор”-и Ӯзбекистон бозӣ мекунад. Эргашев, ки беҳтарин ҳимоятгари қаҳрамонии Тоҷикистон дар мавсими 2019 эътироф шудааст, барои ҳамкорӣ бо бошгоҳи Тошканд розӣ шуд. Қабл аз ин ӯ дар Хуҷанд бозӣ мекард. Бояд гуфт, ки муҳофизи варзидаи тими миллии Тоҷикистон тайи ин солҳо аз бошгоҳҳои "Хуҷанд", "Регар-ТадАЗ", "Истиқлол", "Жетису", "Тараз" (ҳарду аз Қазоқистон) ва "Ғабала" (Озарбойҷон) ҳимоят кардааст. Мунтахаби Тоҷикистон ахиран дар мусобиқаи интихобии Ҷоми Осиё-2023 дар гурӯҳи "F" дар Бишкек дувумин пирӯзиро ба даст овард. Тоҷикистон бар тими Сингапур бо ҳисоби 1:0 пирӯз шуд. Мутахаби Тоҷикистон тими Мянмарро голборон кардДар даври ниҳоии мусобиқоти интихобии Ҷоми Осиё-2023 мунтахаби Тоҷикистон рӯзи сешанбеи 14-уми июн бо тими миллии Қирғизистон бозӣ мекунад. Вохӯрӣ соати 20:00 ба вақти Душанбе оғоз мешавад. Дастаҳои 24 кишвар барои роҳ ёфтан ба финали Ҷоми Осиё-2023 мубориза мебаранд. Дастаҳо дар шаш гурӯҳ, чаҳор дастаӣ бозӣ мекунанд. Ба даври ниҳоии Ҷоми Осиё-2023 11 даста – шаш ғолиби гурӯҳ ва панҷ ҷои дуюм – роҳхат мегиранд. Ҷоми Осиё мебоист тобистони соли 2023 дар Чин баргузор мешуд, аммо ба наздикӣ ба далели маҳдудиятҳо дар ин кишвар бар асари коронавирус лағв шуд. Ҳоло маълум нест, ки мусобиқа дар куҷо баргузор мешавад.
https://sputnik.tj/20220611/tojikiston-singapur-piruz-1049123459.html
Sputnik Тоҷикистон
info@sputnik.tj
+74956456601
MIA „Rosiya Segodnya“
2022
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
даврон эргашев, тими миллӣ, варзиш
даврон эргашев, тими миллӣ, варзиш
Даврон Эргашев тими миллии Тоҷикистонро тарк кард: сабаб
14:10 13.06.2022 (Навсозишуда: 17:43 04.07.2023) Эксклюзив
Ҳимоятгари тоҷик, капитани дастаи миллӣ Даврон Эргашев ба далели ихтилофи назар бо мураббӣ Питер Сегрт мунтахаби кишварро тарк кард
ДУШАНБЕ, 13 июн — Sputnik. Футболбози тоҷик, ки феълан дар тими "Бунёдкор"-и Ӯзбекистон бозӣ мекунад, мунтахаби миллии кишварро тарк кардааст.
Ёдовар мешавем, ки даста ҳоло дар Бишкек қарор дорад ва дар сабқати интихобии Ҷоми Осиё-2023 бозӣ мекунад.
Даврон Эргашев пас аз ихтилофи назар бо сармураббии тими миллии Хорватия Петр Сегрт ба бошгоҳи худ "Бунёдкор" рафт.
Бино ба иттилоъи манбаъи
Sputnik Тоҷикистон, муносибати ин бозигари тоҷик ва сармурабии хорватӣ "гарм нашуд" ва ин бозигар аз тими мунтахаби кишвар хориҷ шуд.
Ба гуфтаи манбаъ дар тими миллии Тоҷикистон, Даврон ва Сегрт ба далели он ки футболбози тоҷик дархости мутахассиси хорватиро иҷро накардааст, ҷанҷол кардаанд.
Гуфта мешавад, ки Сегрт аз Эргашев талаб кардааст, ки аз роҳбарияти тими миллӣ дар бораи мукофотпулӣ пурсад. Тавре манбаъ гуфт, варзишгар ин дархостро рад кард ва мураббӣ ин амалашро дарк накард. Масъулини даста аз шарҳи ин хабар худдорӣ карданд.
Қобили зикр аст, ки ҳоло дар назди тими миллӣ вазифаи ҳалкунанда гузошта шудааст, даста барои роҳхат ба Ҷоми Осиё мубориза мебарад.
Ёдовар мешавем, ки Даврон Эргашев чанд мавсим боз дар “Бунёдкор”-и Ӯзбекистон бозӣ мекунад. Эргашев, ки беҳтарин ҳимоятгари қаҳрамонии Тоҷикистон дар мавсими 2019 эътироф шудааст, барои ҳамкорӣ бо бошгоҳи Тошканд розӣ шуд. Қабл аз ин ӯ дар Хуҷанд бозӣ мекард.
Бояд гуфт, ки муҳофизи варзидаи тими миллии Тоҷикистон тайи ин солҳо аз бошгоҳҳои "Хуҷанд", "Регар-ТадАЗ", "Истиқлол", "Жетису", "Тараз" (ҳарду аз Қазоқистон) ва "Ғабала" (Озарбойҷон) ҳимоят кардааст.
Мунтахаби Тоҷикистон ахиран дар мусобиқаи интихобии Ҷоми Осиё-2023 дар гурӯҳи "F" дар Бишкек дувумин пирӯзиро ба даст овард. Тоҷикистон бар тими Сингапур бо ҳисоби 1:0 пирӯз шуд.
Дар даври ниҳоии мусобиқоти интихобии Ҷоми Осиё-2023 мунтахаби Тоҷикистон рӯзи сешанбеи 14-уми июн бо тими миллии Қирғизистон бозӣ мекунад. Вохӯрӣ соати 20:00 ба вақти Душанбе оғоз мешавад.
Дастаҳои 24 кишвар барои роҳ ёфтан ба финали Ҷоми Осиё-2023 мубориза мебаранд. Дастаҳо дар шаш гурӯҳ, чаҳор дастаӣ бозӣ мекунанд.
Ба даври ниҳоии Ҷоми Осиё-2023 11 даста – шаш ғолиби гурӯҳ ва панҷ ҷои дуюм – роҳхат мегиранд.
Ҷоми Осиё мебоист тобистони соли 2023 дар Чин баргузор мешуд, аммо ба наздикӣ ба далели маҳдудиятҳо дар ин кишвар бар асари коронавирус лағв шуд. Ҳоло маълум нест, ки мусобиқа дар куҷо баргузор мешавад.
