Президент ба тамошои бозии мунтахаби Тоҷикистону Қирғизистон меравад

© Пресс-служба президента КР / Султан ДосалиевПрезидент Кыргызстана Садыр Жапаров во время футбольного матча. Архивное фото
Президент Кыргызстана Садыр Жапаров во время футбольного матча. Архивное фото - Sputnik Тоҷикистон, 1920, 14.06.2022
Обуна шудан
Yandex newsTelegram
Дастаҳои Қирғизистону Тоҷикистон аллакай ба марҳилаи ниҳоии Ҷоми Осиё - 2023 роҳхат гирифтаанд. Натиҷаи рақобати онҳо ба ин тасмим таъсир нахоҳад кард
ДУШАНБЕ, 14 июн — Sputnik. Президенти Қирғизистон Содир Ҷабборов дар бозии футбол миёни дастаҳои мунтахаби Қирғизистону Тоҷикистон ширкат хоҳад кард.
Дар ин бора хабаргузории 24.kg бо такя ба котиби матбуотии кишвардори Қирғизистон Эрбол Султонбоев хабар додааст.
Бояд гуфт, бозии имрӯза муайян хоҳад кард, ки кӣ аз зинаи аввал ва кӣ аз ҷойи дуюм ба даври ниҳоии мусобиқот меравад.
Бозии даври ниҳоии марҳилаи гуруҳӣ дар Бишкек баргузор мешавад, ки дар он дастаҳои Тоҷикистону Қирғизистон вориди сабқат мешаванд.
Ин бозӣ соати 20:00 ба вақти Душанбе дар варзишгоҳи ба номи Долон Омурзоқов оғоз мешавад.
Дастаҳои мунтахаби ҳарду кишвар дар ду даври аввал шашхолӣ ба даст оварданд. Қирғизистон ҳамоно дар ҷои дуюм аст, зеро тими Тоҷикистон дар ин мусобиқот натиҷаи беҳтар дорад – панҷ гол зада, ягон голи худро аз даст надодааст. Футболбозони қирғиз чор тӯб задаанд ва як гол сар додаанд.
Сборная Таджикистана по футболу - Sputnik Тоҷикистон, 1920, 14.06.2022
Бозии рӯз: Тоҷикистону Қирғизистон барои ҷойи аввал мубориза мебаранд
Мухлисон метавонанд пахши мустақими бозии муҳимро аз тариқи шабакаҳои телевизионии "Варзиш" ва "Футбол"-и Тоҷикистон тамошо кунанд.
Бозиро инчунин ду шабакаи телевизионии варзишии Қирғизистон - КТРК Спорт ва ТВ Қирғизистон намоиш медиҳанд. Илова бар ин, Иттиҳодияи футболи Қирғизистон (КФУ) хабар дод, ки ин бозӣ дар кӯчаҳои чанд шаҳр пахш мешавад.
Қаблан Иттиҳодияи футболи Қирғизистон аз мухлисон даъват карда буд, ки ба бетартибиҳо даст назананд, дастаро ба таври кофӣ дастгирӣ кунанд ва пешакӣ ба варзишгоҳ ҳозир шаванд.
Даврон Эргашев тими миллии Тоҷикистонро тарк кард: сабаб
"Агар шаҳрвандони мо фазои носолимро ба вуҷуд оваранд, пас Қирғизистон метавонад барои риоя накардани қоидаҳои Конфедератсияи футболи Осиё, ки метавонад оқибатҳои ногувор дошта бошад, ба ҷавобгарӣ кашида шавад", - гуфт хадамоти матбуоти ин ниҳод.
Федератсияи футболи Тоҷикистон гуфт, новобаста аз натиҷаи бозии даври охирини марҳилаи интихобии Ҷоми Осиё-2023 дар гурӯҳи "F" бо тими миллии Қирғизистон, ки 14-уми июн дар Бишкек баргузор мешавад, мунтахаби Тоҷикистон ҳуқуқи иштирок дар марҳилаи ниҳоии Ҷоми Осиёро ба худ кафолат дод.
Маврид ба зикр аст, ки қисмати ниҳоии мусобиқот аз 16 июн то 16 июли соли 2023 ба нақша гирифта шудааст.
Қарор дар бораи макони баргузории 18-умин Ҷоми Осиё дар ҷаласаи Кумитаи иҷроияи Конфедератсияи футболи Осиё рӯзи 17 октябр қабул мешавад.
Лентаи хабарҳо
0