Муҳоҷирони меҳнатӣ ба таври оммавӣ Екатеринбургро тарк мекунанд: сабаб чист?

Дорога в Екатеринбурге - Sputnik Тоҷикистон, 1920, 16.06.2022
Обуна шудан
Yandex newsTelegram
Хуруҷи хориҷиён аз Екатеринбург, ки дар соҳаҳои гуногун кор мекунанд, бевосита ба пурзӯр шудани сиёсати муҳоҷират дар пойтахти Урал рабт дорад
ДУШАНБЕ, 16 июн — Sputnik. Муҳоҷирони корӣ ба таври оммавӣ аз Екатеринбург ба минтақаҳои дигар мераванд, хабар медиҳад "URA.RU".
Ин пеш аз ҳама ба пурзур шудани сиёсати муҳоҷират дар пойтахти Урал вобаста донисӣа мешавад.
Ҳамин тавр, дар вилоят шумораи диаспораҳо торафт меафзояд. Ба гуфтаи раиси ҷамъияти Гурҷистон "Сакартвело" Нукри Чавлейшвили, муҳоҷирон бо хоҳиши худ ба шаҳрҳои хурдтари вилояти Свердловск кӯч бастаанд.
Трудовые мигранты  - Sputnik Тоҷикистон, 1920, 16.06.2022
Бархе аз муҳоҷирон бояд фавран Русияро тарк кунанд
"Мо комилан мушоҳида мекунем, ки дар пасманзари низоъҳои зиёди байни миллатҳо назорат аз болои муҳоҷирон дар Екатеринбург пурзӯр карда шудааст. Аз ин рӯ, онҳо ба шаҳрҳои хурдтари минтақа кӯч бастаанд", - гуфт манбаъ.
Вай таъкид кард, ки дар шаҳрҳои хурд "диаспораҳои маҳаллӣ" бештаранд. Ҳоло ба вилоят асосан онҳое мераванд, ки оилаҳои серфарзанд доранд.
Ба гуфтаи Валерий Горелих, котиби матбуотии Сарраёсати Вазорати корҳои дохилии Русия дар вилояти Свердловск, ҳоло дар ин минтақа беш аз 125,8 ҳазор шаҳрванди хориҷӣ ба сар мебаранд.
Тибқи омор, дар панҷ моҳи соли 2022 ба минтақа нисбат ба ҳамин давраи соли 2021 2,4 маротиба бештар муҳоҷирон ворид шудаанд, ки бештарашон аз Тоҷикистонанд.
"Аз рӯи вуруд ба таври маъмулӣ шаҳрвандони Тоҷикистон (48,6%, - 40,7 ҳазор), Ӯзбекистон (30,3%, - 25,4 ҳазор) ва Қирғизистон (10,3%, - 8,6 ҳазор нафар) пешсафанд", - гуфт Горелих.
Ҳоло вилоят аз рӯи шумораи минтақаҳо дар феҳристи муҳоҷират дар Федератсияи Русия ҷои панҷумро ишғол мекунад.
Қобили зикр аст, ки пулиси Екатеринбург барои ошкор кардани муҳоҷирони ғайриқонунӣ ба рейдҳои зуд-зуд шурӯъ кардааст. Дар чаҳорчӯби яке аз охирин, чунин санҷишҳо тақрибан 600 нафар боздошт шуданд.
Лентаи хабарҳо
0