Имзои 40 санади ҳамкорӣ миёни соҳибкорони Суғд ва Русия: видео

© Sputnik / Амир ИсаевПодпись документа. архивное фото
Подпись документа. архивное фото - Sputnik Тоҷикистон, 1920, 18.06.2022
Обуна шудан
Yandex newsTelegram
Дар умум давмои ду рӯзи баргузории намоишгоҳи “Суғд -2022” миёни намояндагони кишварҳои иштирокдор беш аз 100 созишномаҳои ҳамкорӣ ба имзо расонида шуд
ДУШАНБЕ, 18 июн – Sputnik. Дар заминаи баргузории Намоишгоҳи байналмиллалии тиҷоратии “Суғд -2022” дар Хуҷанд миёни соҳибкорони тоҷик ва рус чиҳил санади ҳамкорӣ ба имзо расонида шуд
Дар ин бораи Ғайрат Қобилзода, муовини сардори Палати савдо ва саноати Суғд иттилоъ дод.
Ӯ гуфт, санадҳои имзошуда умдатан дар самти содироти молу маҳсулоти кишоварзӣ нигаронида шудааст.
“Дар умум давмои ду рӯзи баргузории намоишгоҳи байналмиллали савдо “Суғд -2022” миёни намоядаи кишварҳои иштирокдор беш аз 100 меморандум ва созишномаҳои ҳамкорӣ ба имзо расонида шуд. Аз ин шумор 40 санад миёни соҳибкорони Тоҷикистон ва минтақаҳои Русия аст” – гуфт, Қобилзода.
Ёдовар мешавем, ки дар вилояти Суғд рӯзи 17 июн Намоишгоҳи байналмилалии тиҷоратии “Суғд-2022” оғоз шуд ва ду рӯз давом кард.
Дар миёни меҳмонон раиси вилояти Ҷиззах Эргаш Солиев, сафири Тоҷикистон дар Ӯзбекистан Абдуҷаббор Раҳмонзода, сафирони Озарбойҷон, Туркия, Беларус, Қазоқистон ва ҳамчунин намояндаи ваколатдори Арабистони Саудӣ дар Тоҷикистон тавриф оварданд.
Аз гелос то зардолую пиёз: содироти маҳсулоти кишоварзӣ аз Суғд ба Русия 50% афзуд
Илова бар ин ба форуми иқтисодӣ зиёда аз 400 нафар аз соҳибкорон аз 8 кишвари ҷаҳон аз ҷумла доираҳои тиҷоратии Русия, Белорусия ва дигар кишварҳо иштирок намуданд.
Ин бори ҳаштум аст, ки Хуҷанд маркази устони Суғд ин намоишгоҳи сатҳи ҷаҳонӣ баргузор мешавад. Масъулони ҳукумат баргузории онро дар рушди иқтисоди миллӣ омили муҳим арзёбӣ мекунанд.
Лентаи хабарҳо
0