Володин ба украиниҳо маслиҳат дод, ки китобҳои дарсии русиро напартоянд

© Пресс-служба Госдумы РФ / Гузаштан ба хазинаи аксПредседатель Государственной Думы РФ Вячеслав Володин
Председатель Государственной Думы РФ Вячеслав Володин  - Sputnik Тоҷикистон, 1920, 25.06.2022
Обуна шудан
Yandex newsTelegram
Раиси Думаи давлатии Федератсияи Русия ба украиниҳо тавсия дод, ки китобҳои дарсии русиро то 1 сентябр нигоҳ доранд, на ин ки онҳоро партоянд
ДУШАНБЕ, 25 июн — Sputnik. Раиси Думаи давлатӣ Вячеслав Володин ба мардуми Украина маслиҳат дод, ки ба халос шудан аз китобҳои дарсии забони русӣ шитоб накунанд, то баъдан онҳоро ҷустуҷӯ накунанд.
Қаблан хабар дода шуд, ки аз 1 август дар вилояти Одесса фанни забон ва адабиёти рус дигар таълим дода намешавад, китобҳои дарсӣ алакай бозпас гирифта шудаанд ва тамоми адибони рус аз барномаи таълимӣ хориҷ шудаанд.
Ғайр аз ин, кумитаи ичроияи шаҳри Николаев хабар дод, ки аз 1 сентябри соли ҷорӣ дар мактабҳои шаҳри Николаев истифода бурдани забони русӣ манъ карда мешавад.
"Яке аз вазифаҳои амалиёти вижаи низомӣ барқарор кардани ҳуқуқу озодиҳои шаҳрвандоне мебошад, ки мехоҳанд бо забони модарии худ ҳарф зананд ва дар паи омӯзиши он бошанд. Ба ҷавобгарӣ кашидани мансабдорони украинӣ барои нақзи ҳуқуқи мардум дуруст аст. Ва мардуми Украина бояд барои партофтани китобҳои дарсии забони русӣ шитоб накунанд, бигзор то 1-уми сентябр бошанд, то баъдтар ҷустуҷӯяшон накунед", - навиштааст Володин дар шабакаи Telegram-и худ.
Российские учебники по русскому языку - Sputnik Тоҷикистон, 1920, 24.05.2022
Русӣ дар Херсон забони давлатӣ мешавад
Русия 24 феврал дар Украина амалиёти вижаро оғоз кард.
Кишвардор Владимир Путин ҳадафи онро "ҳимояи одамоне номид, ки тӯли 8 сол аз сӯи режими Киев мавриди таҳқиру наслкушӣ қарор гирифтаанд".
Барои ин, ба гуфтаи ӯ, дар назар аст, ки "нозизудоӣ ва ғайринизомикунонии Украина" анҷом дода, тамоми ҷинояткорони ҷангии масъули "ҷиноятҳои хунини зидди мардуми осоишта" дар Донбасс ба ҷавобгарӣ кашида шаванд.
Нерӯҳои мусаллаҳи кишвар вазифаи асосии марҳилаи аввали амалиёти махсусро анҷом доданд. Онҳо иқтидори ҷангии Украинаро ба таври назаррас коҳиш доданд.
Пас аз оғози амалиёти вижа, Маскав ва Киев 4 даври музокироти рӯ ба рӯ баргузор карданд. Тарафҳо аллакай дар баъзе масъалаҳо ба созиш расиданд.
Аммо моҳи апрел муколама қатъ шуд, зеро Украина ба пешниҳодҳои Русия дар бораи тарҳи паймон дигар вокуниш накард.
Лентаи хабарҳо
0