Суҳбати як ба як: Кремл бархе тафсилоти сафари Путин ба Душанберо гуфт

© Пресс-служба президента РТВладимир Путин и Эмомали Рахмон
Владимир Путин и Эмомали Рахмон - Sputnik Тоҷикистон, 1920, 27.06.2022
Обуна шудан
Yandex newsTelegram
Кремл бархе аз тафсилоти сафари кории раисҷумҳури Русия ба шаҳри Душанберо нашр карда афзуд, ки дар он мулоқоти як ба як бо роҳбари Тоҷикистон сурат мегирад
ДУШАНБЕ, 27 июн – Sputnik. Владимир Путин, раисҷумҳури Русия 28 июн аз шаҳри Душанбе боздид хоҳад кард, хабар дод Кремл.
Дмитрий Песков, сухангӯи раисҷумҳури Русия иттилоъ дод, ки дар зимни ин сафар Владимир Путин бо ҳамтои тоҷикистонияш Эмомалӣ Раҳмон мулоқот хоҳад кард. Инчунин музокироти як ба яки Путин ва Раҳмон дар назар аст, афзуд ӯ.

"Сафари кории Путин ба Тоҷикистон дар назар аст, он ҷо мулоқоту музокирот баргузор мешавад. Бо Раҳмон суҳбати як ба як сурат мегирад", - изҳор дошт Песков.

Ин нахустин сафари хориҷии президенти Русия баъди оғози амалиёти низомӣ дар Украина арзёбӣ мешавад. Баъди боздид аз Душанбе сафари президенти Русия ба Ишқобод дар назар аст. Ӯ дар ин шаҳр дар ҷаласаи сарони кишварҳои соҳили Хазар иштирок хоҳад кард, ки роҳбарони Озарбойҷон, Қазоқистон, Эрон ва Туркманистонро низ дар бар мегирад.
Президент РФ В. Путин  - Sputnik Тоҷикистон, 1920, 26.06.2022
Путин: Амнияти кишварҳои СПАД-ро бояд муҳофизат кард
Сафари Путин дар ҳоле сурат мегирад, ки масоили амниятӣ аз мавзуъҳои меҳварӣ дар минтақа арзёбӣ мешаванд. Ахиран нигарониҳое аз сӯйи мақомоти қудратии Русия дар мавриди вазъи Афғонистон низ садо доданд.
Аз ҷумла Сергей Шойгу, вазири дифои Русия аз вазъ дар Афғонистон изҳори нигаронии амиқ кард. Вай дар як ҷаласа бо ҳамтоёнаш аз Тоҷикистон, Қазоқистон, Қирғизистон ва Ӯзбекистон гуфт, дар Афғонистон фаъолияти созмонҳои байналмилалии террористӣ афзудааст.
Лентаи хабарҳо
0