Кушта шудани беш аз 200 сокини осоишта ва тахриби 5 ҳазор хона дар Донетск

© Sputnik / Алексей Куденко / Гузариш ба медиабонкУкраинские военные обстреляли Донецк
Украинские военные обстреляли Донецк - Sputnik Тоҷикистон, 1920, 29.06.2022
Обуна шудан
Бар асари зарбаҳои нерӯҳои украинӣ ба Ҷумҳурии Халқии Донетск зиёда аз 200 шаҳрванди мулкӣ кушта шудаанд, ки дар ин миён кӯдакон низ ҳастанд
ДУШАНБЕ, 29 июн — Sputnik. Тайи 133 рӯзи шиддати даргирӣ дар ҷумҳурии халқии Донетск беш аз 206 сокини осишта ба ҳалокат расидаанд, ки 12 нафарашон кӯдакон мебошанд.
Дар ин бора РИА "Новости" бо такя ба мақомоти Донетск хабар дода, афзуд, ки инчунин қариб 2,5 ҳазор сокини мулкӣ маҷруҳ шудаанд.
"Аз ҷумла дар қаламраве, ки то амалиёти вижа таҳти назорати нерӯҳои Донетск буд, 962 шаҳрванди осоишта, аз ҷумла 72 кӯдак ҷароҳати гуногун бардоштанд. Дар минтақаҳои озодшуда дар пайи амалиёт 1451 мулкӣ, аз ҷумла 79 кӯдак маҷруҳ гардиданд", - омадааст дар матлаб.
Таъкид шудааст, ки дар маҷмуъ 2 ҳазору 411 мулкӣ маҷруҳ шуданд, ки 151 нафарашон кӯдакон мебошанд.
Дар пайи зарбаҳои нерӯҳои украинӣ ҳамчунин 5003 хонаи истиқоматӣ ва 1082 иншооти инфрасохтори мулкӣ тахриб шудаанд, афзуданд мақомоти Донетск.
Работа зенитно-ракетной системы ПВО С-300В4 - Sputnik Тоҷикистон, 1920, 28.06.2022
Самти парвози мушакҳои Русия. Захираҳои стратегии НМУ аз байн бурда шуданд
Маврид ба зикр аст, ки Русия 24 феврали соли равон дар Украина амалиёти низомиро оғоз кард. Президент Владимир Путин ҳадафи онро "ҳимояи мардум, ки тӯли 8 сол таҳти таъқиб ва наслкушӣ аз ҷониби режими Киев қарор гирифтаанд", номид.
Ба гуфтаи ӯ, дар назар аст, ки "ғайринизомикунонии Украина" анҷом шуда, тамоми ҷинояткорони ҷангии масъули "ҷиноятҳои хунини зидди мардуми осоишта" дар Донбасс ба ҷавобгарӣ кашида шаванд.
Ба гуфтаи Вазорати дифои Русия, нерӯҳои мусаллаҳ танҳо қисмҳои низомӣ ва нерӯҳои Украинаро ҳадаф қарор медиҳанд ва ин амалиёт мардуми осоиштаро таҳдид намекунад.
Дар баробари амалиёт инчунин миёни ҷонибҳо музокирот низ сурат гирифтанд, ки охирон даври он дар Туркия баргузор шуд. Қабл аз ин ҳайатҳои ду кишвар дар қаламрави Беларус се бор мулоқот карда, баъдан музокирот дар формати видеоӣ идома ёфт.
Феълан Маскав мегӯяд, музокирот бо айби Киев мутаваққиф шудааст, аммо Русия омодагияшро барои гуфтушунид баён кардааст.
Лентаи хабарҳо
0