https://sputnik.tj/20220706/istefo-vaziron-britoni-boris-jonson-norizo-1049792703.html
Истеъфои вазирони бритонӣ идома дорад: онҳо аз Борис Ҷонсон норизоянд
Истеъфои вазирони бритонӣ идома дорад: онҳо аз Борис Ҷонсон норизоянд
Sputnik Тоҷикистон
Вазирони молия ва беҳдошт қаблан эълом карда буданд, ки ба далели эътимод надоштан ба нахуствазири Британия истеъфо медиҳанд 06.07.2022, Sputnik Тоҷикистон
2022-07-06T16:35+0500
2022-07-06T16:35+0500
2022-07-06T18:35+0500
дар ҷаҳон
британия
истеъфо
вазир
сиёсат
https://cdnn1.img.sputnik.tj/img/07e6/06/18/1049476441_0:0:3073:1728_1920x0_80_0_0_95bfc68d8e36c7571fe1837e4578e751.jpg
ДУШАНБЕ, 6 июл — Sputnik. Дар Британияи Кабир як вазири дигар дар пайи истеъфои теъдоде аз мансабдорон ва вазирони бритониёӣ ба далели моҷарои марбут ба таъйини муовини собиқи вазири умури хориҷӣ Кристофер Пинчер истеъфо дод, хабар медиҳад РИА "Новости". Манбаъ меафзояд, вазири давлат дар риштаи мактабҳо Робин Уокер истеъфо дод.Вай муроҷиати худ ба Борис Ҷонсон ва эъломияи истеъфоашро дар Твиттер нашр кард. “Мутаассифона, рӯйдодҳои ахир ба ман нишон доданд, ки ҳизби олиҷаноби мо, ки ман тамоми умр ҷонибдорӣ мекардам, ба далели таваҷҷуҳи бефосилааш ба масоили раҳбарӣ аз рисолати аслии худ дур шудааст... мутаассифона, дар моҳҳои охир иштибоҳот ба аҳди ҳизб соя афкандааст ва ман наметавонам дар ҳукумати шумо кор кунам", - навиштааст Уокер.Ба ҷуз аз ӯ, Лора Тротт, котиби шахсии парлумонии Вазорати нақлиёт низ истеъфои худро эълон кард.Риши Сунак, вазири молия ва Соҷид Ҷовид, вазири беҳдошт қаблан эълом карданд, ки ба далели нобоварӣ ба нахуствазир Борис Ҷонсон ва мухолифат бо усулҳои раҳбарии ӯ истеъфо медиҳанд. Дар бораи чунин тасмим як қатор мансабдорони дигар, аз ҷумла вазири умури кӯдакон ва оилаҳои Британияи Кабир Вил Куинс хабар доданд. Ҳафтаи гузашта маълум шуд, ки собиқ муовини вазири умури хориҷаи Бритониё дар умури Аврупо ва Амрико Кристофер Пинчер қаблан дар як клуби Лондон дар ҳолати мастӣ занозанӣ карда буд.Як қатор сиёсатмадорон иддао карданд, ки сарвазири Бритониё Борис Ҷонсон Пинчерро ба вазифаи муовини ҳамоҳангсози фраксияи порлумонии консервативӣ таъин кардааст, гарчанде ки аз гузаштаи ӯ хуб бохабар буд.Зимнан, Ҷонсон узрхоҳӣ кард ва иқрор шуд, ки "кори нодуруст кардааст", аммо ба далели гум шудани эътимод ба нахуствазир як қатор мақомдорон ба истеъфодиҳӣ оғоз карданд.
https://sputnik.tj/20220114/raqs-jonson-britoniyo-khashmgin-1044830594.html
британия
Sputnik Тоҷикистон
info@sputnik.tj
+74956456601
MIA „Rosiya Segodnya“
2022
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
дар ҷаҳон, британия, истеъфо, вазир, сиёсат
дар ҷаҳон, британия, истеъфо, вазир, сиёсат
Истеъфои вазирони бритонӣ идома дорад: онҳо аз Борис Ҷонсон норизоянд
16:35 06.07.2022 (Навсозишуда: 18:35 06.07.2022) Вазирони молия ва беҳдошт қаблан эълом карда буданд, ки ба далели эътимод надоштан ба нахуствазири Британия истеъфо медиҳанд
ДУШАНБЕ, 6 июл — Sputnik. Дар Британияи Кабир як вазири дигар дар пайи истеъфои теъдоде аз мансабдорон ва вазирони бритониёӣ ба далели моҷарои марбут ба таъйини муовини собиқи вазири умури хориҷӣ Кристофер Пинчер истеъфо дод, хабар медиҳад РИА "Новости".
Манбаъ меафзояд, вазири давлат дар риштаи мактабҳо Робин Уокер истеъфо дод.
Вай муроҷиати худ ба Борис Ҷонсон ва эъломияи истеъфоашро дар Твиттер нашр кард.
“Мутаассифона, рӯйдодҳои ахир ба ман нишон доданд, ки ҳизби олиҷаноби мо, ки ман тамоми умр ҷонибдорӣ мекардам, ба далели таваҷҷуҳи бефосилааш ба масоили раҳбарӣ аз рисолати аслии худ дур шудааст... мутаассифона, дар моҳҳои охир иштибоҳот ба аҳди ҳизб соя афкандааст ва ман наметавонам дар ҳукумати шумо кор кунам", - навиштааст Уокер.
Ба ҷуз аз ӯ, Лора Тротт, котиби шахсии парлумонии Вазорати нақлиёт низ истеъфои худро эълон кард.
Риши Сунак, вазири молия ва Соҷид Ҷовид, вазири беҳдошт қаблан эълом карданд, ки ба далели нобоварӣ ба нахуствазир Борис Ҷонсон ва мухолифат бо усулҳои раҳбарии ӯ истеъфо медиҳанд.
Дар бораи чунин тасмим як қатор мансабдорони дигар, аз ҷумла вазири умури кӯдакон ва оилаҳои Британияи Кабир Вил Куинс хабар доданд.
Ҳафтаи гузашта маълум шуд, ки собиқ муовини вазири умури хориҷаи Бритониё дар умури Аврупо ва Амрико Кристофер Пинчер қаблан дар як клуби Лондон дар ҳолати мастӣ занозанӣ карда буд.
Як қатор сиёсатмадорон иддао карданд, ки сарвазири Бритониё Борис Ҷонсон Пинчерро ба вазифаи муовини ҳамоҳангсози фраксияи порлумонии консервативӣ таъин кардааст, гарчанде ки аз гузаштаи ӯ хуб бохабар буд.
Зимнан, Ҷонсон узрхоҳӣ кард ва иқрор шуд, ки "кори нодуруст кардааст", аммо ба далели гум шудани эътимод ба нахуствазир як қатор мақомдорон ба истеъфодиҳӣ оғоз карданд.
