Сарбозони олмонӣ мехостанд бо силоҳи дуздӣ пули Қримро тарконанд

© Sputnik / Андрей Крылов / Гузаштан ба хазинаи аксКрымский мост через Керченский пролив, архивное фото
Крымский мост через Керченский пролив, архивное фото - Sputnik Тоҷикистон, 1920, 08.07.2022
Обуна шудан
Yandex newsTelegram
Тибқи таҳқиқоти мақомоти ҳифзи ҳуқуқи Олмон, низомиёне, ки аз як гурӯҳи 10-нафара иборат буданд, дар Шлезвиг-Ҳолштейн ба ғоратгарӣ машғул будаанд
ДУШАНБЕ, 8 июл — Sputnik. Ду сарбози бундесвер маводи таркандаро дуздида, мехостанд пули Қримро тарконанд, менависад нашрияи олмонии Stern.
Дар натиҷаи тафтишот маълум шудааст, ки онҳо тариқи телефон ниятҳои ҷиноии худ ва ҷузъиёти нақшаи тахриби пулро баррасӣ кардаанд.
Тибқи нақшаҳои низомиён, чунин як ҳамлаи террористӣ бояд ба таъминоти артиши Русия, ки дар амалиёти махсуси низомии Украина иштирок мекард, халал мерасонид, аммо идеяҳо амалӣ нагардиданд: ҳамлагарон таҳти назорат қарор гирифтанд.
Тафтишот ҳамчунин муайян кардааст, ки ин ду нафар дар як гурӯҳи ҷиноии иборат аз 10 нафар буда, аз соли 2021 инҷониб ба дуздии таҷҳизоти низомӣ дар сарзаминҳои Шлезвиг-Ҳолштейн даст доштаанд.
Шаби пеш аз боздошт, низомиён кӯшиш карданд, ки ба пойгоҳи ғаввосҳои низомӣ дар Эккернфорде ворид шаванд.
Нобудсозии ду "Harpoon"-и бритониёӣ дар Украина
Пас аз боздошт пулис хонаи боздоштшудаҳоро кофтуков карда, силоҳ, муҳимот ва маводи тарканда дарёфт кардааст.
Сарбозон нақша доштаанд, ки нисфи ғаниматро фурӯшанд ва нисфи дигарашро ба қаламрави Украина бурда, шахсан истифода баранд.
Ин бори аввал нест, ки пули Қрим ба ҳадафи суиқасдҳо мубаддал мешавад, масалан, теъдоде аз мақомоти баландпояи артиши Украина борҳо изҳор доштаанд, ки ин пул ҳадафи авлавияти нерӯҳои мусаллаҳи Украина аст.
Путин: Русия дар Украина то ҳол ба таври ҷиддӣ иқдом накардааст
Бо вуҷуди ин, низоми дифои ҳавоии Русия як монеаи ногузар барои аслиҳаи Украина мебошанд.
Лентаи хабарҳо
0