ИМА мекӯшад, ки муноқиша дар Украинаро ба ҳар қимате тамдид кунад

© HIMARS / wikipediaАмериканская система залпового огня HIMARS, которая осуществляет пуски ракет Precision Strike Missile
Американская система залпового огня HIMARS, которая осуществляет пуски ракет Precision Strike Missile - Sputnik Тоҷикистон, 1920, 09.07.2022
Обуна шудан
Yandex newsTelegram
Намояндагии дипломатии Русия дар Вашингтон мегӯяд, Иёлоти Муттаҳида кӯшиш мекунад, ки муноқиша дар Украинаро ба ҳар сурат тамдид намояд
ДУШАНБЕ, 9 июл — Sputnik. Сафорати Русия дар Иёлоти Муттаҳида дар сафҳаи "Telegram"-аш гуфт, дар паси интиқоли чаҳор системаи мушакии чандкаратаи HIMARS ба Украина хоҳиши беандозаи Вашингтон барои тамдиди низоъ ба ҳар сурат аст.
Қаблан раисиҷумҳури Амрико Ҷо Байден фармонеро имзо кард, ки дар бораи ҷудо кардани 400 миллион доллари дигар як бастаи кӯмаки низомӣ ба Украинаро дар бар мегирад.
Сухангӯи воломақоми Пентагон тавзеҳ дод, ки бастаи нави кумак чаҳор MLRS HIMARS-и амрикоиро дар бар мегирад.
"Мо ба изҳороти Пентагон дар бораи интиқоли боз чаҳор HIMARS MLRS ба Украина таваҷҷуҳ кардем. Дар паси ин тасмим хоҳиши беандозаи Вашингтон барои тамдиди низоъ бо ҳар қимат, ҷуброни талафоти афзояндаи низомиёни украинӣ тавассути фиристодани аслиҳа аст", - таъкид кард сафорат.
Намояндагии дипломатии Русия афзуд, рисолати намояндагони Амрико дар бораи “ҳадафҳои дифоъӣ”-и истифода аз силоҳи Амрико дар Украина қобили қабул нест.
"Мақомоти Киев ва сохторҳои миллатгаро барои тахриби шаҳрҳои Донбасс аз аслиҳаи Иёлоти Муттаҳида истифода мекунанд. Нерӯҳои мусаллаҳи Украина пайваста ба манотиқи аҳолинишини Донетск ҳамлаҳои ҳадафмандона мекунанд", - хулоса кард сафорат.
Батальон НАТО, архивное фото - Sputnik Тоҷикистон, 1920, 08.07.2022
Чаро Ғарб "мутаваҷҷеҳ"-и бозори сиёҳи силоҳи НАТО дар Украина шуд?
Русия ба ҳамаи кишварҳое, ки дар интиқоли силоҳ ба режими Киев даст доранд, нотаи дипломатӣ фиристод. Тавре вазири корҳои хориҷӣ Сергей Лавров қайд кард, ин борҳо ба ҳадафи қонунии Нерӯҳои кайҳонии Русия табдил меёбанд.
Аз 24 феврал Русия барои ҳифзи сокинони Донбасс, ки ба гуфтаи Владимир Путин, дар тӯли ҳашт сол мавриди куштори мақомоти Киев қарор гирифтаанд, амалиёти вижа анҷом медиҳад.
Лентаи хабарҳо
0