Истихроҷи гази табиӣ дар кишвар коҳиш ёфт

© Sputnik / ANDREW ABRAMOVКухонная газовая плита
Кухонная газовая плита - Sputnik Тоҷикистон, 1920, 12.07.2022
Обуна шудан
Yandex newsTelegram
Мақомоти Тоҷикистон мегӯяд, ки дар баробари афзоиши истихроҷи нафт дар кишвар истихроҷи гази табиӣ ба таври назаррас коҳиш ёфтааст
ДУШАНБЕ, 12 июл — Sputnik. Ҷамшед Шоимзода, муовини якуми вазири энергетика ва захираҳои оби Тоҷикистон имрӯз зимни нишасти матбуотӣ хабар додааст, ки дар нисмолаи якуми соли равон дар қаламрави ҷумҳурӣ истихроҷи гази табиӣ ҳамагӣ 304, ҳазор мукаабро ташкил додааст, ки ин нисбати нақша 99 ҳазор метри мукааб кам мебошад.
Ҳамзамон муовини якуми вазир хабар дод, ки нисбат ба ҳамин давраи соли гузашта истихроҷи гази табииӣ 80 ҳазор метри мукааб камтар шудааст.
“Иҷориши нақша 75,4 дарсад ва суръати афзоиш 79,2 дарсадро ташкил медиҳад”, - иттилоъ додааст вазорати энергетика.
Велосипедист с покрытыми нефтью руками на пляже в Вентанилья, Перу - Sputnik Тоҷикистон, 1920, 09.07.2022
Тоҷикистону Туркманистон дар бахши коркарди нафту истихроҷи газ ҳамкорӣ мекунанд
Ин дар ҳолест, ки ба иттилои вазорати энергетика ва захираҳои оби Тоҷикистон дар нимсолаи якуми соли 2022 истихроҷи нафт дар кишвар ҳамагӣ 12566,5 тоннаро ташкил дод, ки нисбат ба нақша 163,5 тонна зиёд буда, суръати афзоиш 103,2 дарсадро ташкил медиҳад.
“Ба ҳисоби молӣ бошад, ба маблағи 25481,4 ҳазор сомонӣ нафт истихроҷ шудаст, ки нисбат ба ҳамин давраи соли гузашта 3903,4 ҳазор сомонӣ зиёд буда, суръати афзоиш 147,2%-ро ташкил медиҳад, ки сабаби он болоравии нархи маводи сӯхт ба ҳисоб меравад”, - зикр кардаанд Ҷамшед Шоимзода.
Ёдрас мешавем, ки Тоҷикистон нафту газро асосан аз кишварҳои хориҷ ворид мекунад. Кишварҳои асосие, ки Тоҷикистон аз онҳо нафту газ ворид мекунад Русия, Туркманистон ва Қазоқистон мебошанд.
Лентаи хабарҳо
0