Пешниҳоди ҷазо барои дурӯғпароканӣ дар бораи артиш: ҳабс ё то 16 ҳазор сомонӣ ҷарима

© Пресс-служба президента Таджикистана Военный парад в Хороге по случаю приезда президента Таджикистана
Военный парад в Хороге по случаю приезда президента Таджикистана - Sputnik Тоҷикистон, 1920, 12.07.2022
Обуна шудан
Yandex newsTelegram
Барои дурӯғпароканӣ дар мавриди артиши Тоҷикистон, аз ҷумла ба воситаи интернет ҷазо дар намуди ҳабси маъмурӣ ва ё ҷарима пешниҳод карда шудааст
ДУШАНБЕ, 12 июл — Sputnik. Вазорати мудофиаи Тоҷикистон ба Кодекси ҳуқуқвайронкунии маъмурии ҷумҳурӣ тағйирот пешниҳод кардааст, ки алайҳи паҳни дурӯғ дар мавриди артиши ҷумҳурӣ нигаронда шудааст.
Бар асоси тағйироти пешниҳодшуда, барои паҳн намудани маълумоти бардурӯғ дар бораи шарту шароити хизмати ҳарбӣ ва шеваи даъвати шаҳрвандон ба аскарӣ, ҷазо муқаррар карда мешавад.
Муҷозот барои шахсони воқеӣ ҷарима ба андозаи аз 20 то 40 нишондиҳанда барои ҳисобҳо муодили 1280 то 1560 сомонӣ ва ё ҳабси маъмурӣ ба муҳлати аз 10 то 15 шабонарӯз пешниҳод гардидааст.
Барои шахсони ҳуқуқӣ ҷарима аз 200 то 250 нишондиҳанда барои ҳисобҳо - аз 12,6 ҳазор то 16 ҳазор сомонӣ пешниҳод шудааст.
Маъракаигусели наваскарон дар Суғд - Sputnik Тоҷикистон, 1920, 04.05.2022
Сафарбарсозии гурӯҳии донишҷӯён ба артиш "облава"-ро аз байн мебарад?
Вазорат тавзеҳ додаст, ки ҳадафи ин иқдом пешгирии паҳнсозии маълумоти бардурӯғ мебошад, ки "боиси коста гардидани шаъну шарафи Қувваҳои Мусаллаҳи Ҷумҳурии Тоҷикистон ва хизматчиёни ҳарбии он мегардад".
Таъкид шудааст, ки дар бархе давлатҳо дурӯғпароканиҳои дорои аҳамияти иҷтимоӣ ва оммавӣ, ки ба бехатарии одамон таҳдид мекунанд, боиси оқибатҳои вазнин мегарданд, ҷиноят ҳисобида мешаванд.
Ин ниҳод бо ишора ба сиёсати инсондӯстонаи ҳукумати Тоҷикистон изҳор доштааст, ки лоиҳа "дар марҳилаи кунунӣ танҳо ҷорӣ кардани ҷарима ё ҳабси маъмуриро барои вайронкунандагони он пешбинӣ менамояд".
Вазорати мудофиа изҳори боварӣ намудааст, ки қабули тарҳи мазкур боиси коҳиши шиддати бадномшавии қувваҳои мусаллаҳи Тоҷикистон мегардад.
Лентаи хабарҳо
0