Харидор ҳаст, ҷустуҷӯи сармоягузор идома дорад: Шоимзода дар бораи сохтмони "Роғун"

© Sputnik / © Sputnik / Амир ИсаевПервый заместитель Министра энергетики и водных ресурсов Республики Таджикистан Шоимзода Джамшед Шоди
Первый заместитель Министра энергетики и водных ресурсов Республики Таджикистан Шоимзода Джамшед Шоди - Sputnik Тоҷикистон, 1920, 12.07.2022
Обуна шудан
Yandex newsTelegram
Тоҷикистон барои пайдо кардани бозори фурӯши барқ чораҷӯӣ дорад ва аллакай бо Қазоқистону Ӯзбекистон дар мавриди содироти барқ мувофиқа ҳосил шудааст
ДУШАНБЕ, 12 июл — Sputnik. Тоҷикистон бо Қазоқистон ва Ӯзбекистон барои содироти нерӯи барқ ёддошти тафоҳум имзо кардааст.
Дар ин бора Ҷамшед Шоимзода, муовини вазири энергетика ва захираҳои оби ҷумҳурӣ зимни нишасти матбуотӣ хабар дода, афзуд, ки дар доираи ин ёддошт ҳаҷм ва тафсилоти дигар минбаъд мушаххас шудааст.
Вай зикр намуд, ки Тоҷикистон азм дорад, содироти нерӯи барқро то соли 2030 ба 10 млрд кВт/соат расонад ва пайваста барои пайдо кардани бозор чорачӯиҳо сурат гирифта истодааст.
Ба гуфтаи Шоимзода, вақте бозор асту харидор таваҷҷуҳ дорад, шарикон низ бештар барои сармоягузорӣ моил мешаванд.
Дар мавриди сармоягузор муовини аввали вазир илова намуд, ки феълан гуфтушунид бо шарикони рушд идома дорад. Ба гуфтаи ӯ, дар ҳоли ҳозир созиши мушаххасе дар ин бора ҳосил нашудааст, гуфтушунид идома дорад.
Президент Эмомали Рахмон и премьер проинспектировали строительство Рогунской ГЭС - Sputnik Тоҷикистон, 1920, 12.07.2022
Оғози сафари кории Раҳмон ба НБО “Роғун”
Ин дар ҳолест, ки Эмомалӣ Раҳмон, раисҷумҳури Тоҷикистон, барои шиносоӣ бо сохтмони нерӯгоҳи барқи "Роғун" ба майдони сохтмони он рафтааст.
Раисҷумҳур дар суҳбат бо масъулин таъкид намуд, ки неругоҳи барқи обии "Роғун" иншооти стратегӣ ба ҳисоб рафта, аз ҷумлаи нақшаҳои асосии давлат ва ҳукумат дар самти таҳкими истиқлолияти энергетикӣ мебошад.
Саривақт ва тибқи нақша ба истифода супоридани ҳар қитъаи сохтмонӣ ба рушди иқтисоди миллӣ замина мегузорад ва мардуми тоҷик ба азму ирода, неруи созандаи кормандони муҳандисию техникии Неругоҳи барқи обии “Роғун” эътимоди қавӣ дорад, таъкид кардааст Раҳмон.
Маврид ба зикр аст, ки феълан дар баробари ҷустуҷӯи сармоягузор ҳукумати Тоҷикистон аз ҳисоби буҷаи давлат ҳамасола маблағи муайянро ба сохтмони нерӯгоҳ равона мекунад.
Лентаи хабарҳо
0