Шикасти мунтахаби занонаи Тоҷикистон дар CAFA-2022 аз тими Ӯзбекистон

© ФФТ РТСборная Таджикистана против команды Узбекистана на старте CAFA-2022
Сборная Таджикистана против команды Узбекистана на старте CAFA-2022 - Sputnik Тоҷикистон, 1920, 12.07.2022
Обуна шудан
Мунтахаби занонаи Тоҷикистон аз дастаи Ӯзбекистон шикаст хӯрд. Дастаи Юсуф Рабиев ба дарвозаи рақиб як гол ҳам ворид карда натавонист
ДУШАНБЕ, 12 июл — Sputnik. Дастаи занонаи Ӯзбекистон дар нахустин бозии чемпионати CAFA - 2022 тими Тоҷикистонро голборон кард.
Дар ин бора дафтари матбуоти Федератсияи футболи Тоҷикистон хабар додааст.
Бозӣ бо ҳисоби 6:0 анҷом ёфт. Дар ҳайати дастаи ғолибон хет-трикро Нилуфар Қудратова анҷом дод. Илвина Аблякимова ду гол зад ва Заррина Мамадкаримова як голи дигарро ба дарвозаи тими миллии Тоҷикистон ворид кард.
Чанд соат пеш аз ин дар майдони Душанбе дастаҳои занонаи Туркманистон ва Қирғизистон вохӯрданд. Ин бозӣ бо ҳисоби 0:0 анҷом ёфт.
Пас аз ду даври бозии CAFA - 2022 Championship Women, тимҳои Ӯзбакистон ва Эрон, ки сеимтиёзӣ ба даст овардаанд, бо ҳам пешсафанд. Дастаи мунтахаби Туркманистон бо ду хол дар сегонаи беҳтарин қарор дорад.
Сармураббии тими мунтахаби занонаи Тоҷикистон Юсуф Рабиев - Sputnik Тоҷикистон, 1920, 08.07.2022
Рабиев фаворитҳои CAFA-ро номбар кард: тими занонаи Тоҷикистон миёни онҳост?
Даври сеюми рақобат рӯзи панҷшанбеи 14 июл баргузор мешавад.
Ёдовар мешавем, ки шоми 11-уми июл дар Душанбе бозиҳои даври дуюми мусобиқоти қаҳрамонии Ассотсиатсияи футболи Осиёи Марказӣ (CAFA) байни дастаҳои мунтахаби занона оғоз шуданд.
Қаблан Юсуф Рабиев, сармураббии тими миллии Тоҷикистон гуфта буд, ки тими миллӣ дар ҳар бозӣ таош мекунад, ки беҳтарин натиҷа бас даст орад.
Дар ҳамин ҳол, мураббии тими миллии футболи занона се далелро номбар кард, ки то ҳол имкон намедиҳад, то тими миллӣ ба натиҷаҳои пешрафт ноил гардад.
Лентаи хабарҳо
0