Бонги хатар: Тоҷикистон аз обшавии босуръати пиряхҳо ҳушдор дод

© Sputnik Горы Памира
Горы Памира - Sputnik Тоҷикистон, 1920, 13.07.2022
Обуна шудан
Yandex newsTelegram
Тоҷикистон аз тағйироти табиии обуҳаво ба таври ҷиддӣ нигарон аст, зеро обшавии пиряхҳо ба бисёре аз бахшҳои иқтисоду кишоварзӣ таъсири манфӣ мерасонад
ДУШАНБЕ, 13 июл — Sputnik. Раванди обшавии пиряхҳоро дар Тоҷикистон наметавон бозгардонд. Дар ин бора аз Кумитаи ҳифзи муҳити зисти ҷумҳурӣ хабар доданд.
"Илоҷи боздоштани обшавии пиряхҳо вуҷуд надорад, аммо бо шинондани дарахтҳо ва кам кардани партовҳои газҳои гулхонаӣ оқибатҳои ин офатро метавон коҳиш дод", - гуфт муовини аввали раиси ин идора зимни нишасти хабарии ҳисоботӣ Зарафо Қиёмзода.
Дар баробари ин нақшаи ҷиддии чорабиниҳо оид ба пешгирии ин офати табиӣ гуфта нашуд.
Дар 30 соли ахир Тоҷикистон беш аз 1000 пиряхро аз даст додааст.
Ин рақамҳоро муовини аввали раиси Вазорати энергетикаи кишвар Ҷамшед Шоимзода эълон кард.
Русия ба Тоҷикистон дар ҳалли як мушкили шадид кумак хоҳад кард
"Дар се даҳаи ахир мо пиряхҳои хурди зиёдеро аз даст додем. Ва ин барои мо на танҳо таъмини оби ошомиданӣ, балки манбаи нерӯи барқ ​​ҳам аст", - гуфт Шоимзода.
Вобаста ба ин, минтақа баъзан бо мушкилоти ҷиддитарин – на танҳо дар соҳаи энергетика, балки дар бахши кишоварзӣ низ рӯбарӯ мешавад, қайд кард муовини вазир дар конгресси байналмилалии "Гидроэнергетика. Осиёи Марказӣ ва Каспий".
Таваҷҷуҳи Тоҷикистон ба таҷрибаи Русия дар масъалаи назорат ва ҳифзи пиряхҳо
Ба гуфтаи ӯ, иқдомоти Тоҷикистон дар бунёди сарбандҳо ба ҷамъоварии захираҳои об на танҳо барои ниёзҳои кишвар, балки барои амнияти тамоми минтақа нигаронида шудааст.
Лентаи хабарҳо
0