Вучич гуфт, агар Ғарб шартҳои Путинро қабул накунад, ҳамаро ҷаҳаннам интизор аст

© Пресс-служба МИД РФ / Гузаштан ба хазинаи аксПрезидент Сербии Александр Вучич
Президент Сербии Александр Вучич - Sputnik Тоҷикистон, 1920, 14.07.2022
Обуна шудан
Yandex newsTelegram
Раисҷумҳури Сербистон ҳушдор додааст, ки агар кишварҳои ғарбӣ аз қабули шартҳои президенти Русия сарпечӣ кунанд, ҷаҳон ҷаҳаннам хоҳад шуд
ДУШАНБЕ, 14 июл — Sputnik. Агар раҳбарони ҷаҳон ба пешниҳодҳои раҳбари Русия Владимир Путин дар мавриди Украина гӯш надиҳанд, ҷаҳаннам дар ҷаҳон оғоз мешавад. Дар ин бора кишвардори Сербистон Александр Вучич ба Sputnik хабар дод.
"Ман медонам, ки моро чӣ интизор аст. Ҳамин ки Владимир Путин корро дар Северск, Бахмут ва Соледар анҷом медиҳад ва сипас дар хати дуюм: Славянск - Краматорск - Авдиевка, мегузарад, пешниҳоди ӯ садо медиҳад. Агар он қабул нашавад, зеро онҳо нияти қабул кардани пешниҳодҳояшро надоранд, мо ба дӯзах меравем", - шарҳ додааст ӯ.
Роҳбари Сербистон дақиқан нагуфт, ки чӣ пешниҳод ироа мешавад.
Қаблан раисиҷумҳури Сербистон дар бораи нигаронӣ аз хатари паҳншавии низоъ дар Украина ба як ҷанбаи бузургтаре ҳарф зада буд.
"Ҳоло тамоми ҷаҳони Ғарб тавассути украиниҳо бар зидди Русия меҷангад ва муноқишаи мусаллаҳонаи кунуниро метавон қариб глобалӣ номид", - афзуд Вучич.
Русия рӯзи 24 феврал амалиёти вижаи низомиро дар Украина оғоз кард. Президент Владимир Путин ҳадафи онро "ҳимояи одамоне номид, ки дар тӯли ҳашт сол таҳти таъқиб ва наслкушӣ аз ҷониби режими Киев қарор гирифтаанд".
Вучич: Замони фишор болои кишварҳои мустақил хотима ёфт
Барои ин, ба гуфтаи ӯ, дар назар аст, ки "ғайринизомисозӣ ва нозизудоии Украина", анҷом дода шуд, тамоми ҷинояткорони ҷангии масъули "ҷиноятҳои хунини зидди мардуми осоишта" дар Донбасс ба ҷавобгарӣ кашида мешаванд.
Ҳадафи аслии амалиёти вижа дар вазорати дифои Русия озодсозии Донбасс номида мешавад.
Лентаи хабарҳо
0