Идомаи гармиҳои тоқатфарсо дар Тоҷикистон: дар Хатлон аз ҳама зиёд

Жара в Москве - Sputnik Тоҷикистон, 1920, 23.07.2022
Обуна шудан
Yandex newsTelegram
Дар водиҳои кишвар ҳаво то 40+45 ва ҷанубии ҷумҳурӣ то 47 дараҷа гарм мешавад, ки мақомот дар робита ба ин аз шаҳрвандон хостаанд, эҳтиёткор бошанд
ДУШАНБЕ, 23 июл — Sputnik. Дар Тоҷикистон гармои шадид идома дорад ва тибқи пешгӯии Агентии обуҳавошиносии кишвар ин бояд охирин рӯзи чунин тафсониҳо бошад.
Бино ба пешгӯии ин ниҳод, дар ВМКБ ҳавои камабри бебориш дар назар аст.
Ҳаво дар ғарби вилоят шабона 19+24 дараҷа ва рӯзона 34+39 дараҷа гарм, дар шарқи вилоят шабона 5+10 дараҷа ва рӯзона 27+27 дараҷа гарм мешавад.
Дар вилояти Суғд низ ҳавои камабри бебориш дар назар аст. Шамол аз самти ғарб бо суръати 5-10 метр дар як сония мевазад.
Ҳаво дар водиҳо шабона 20+25, рӯзона 38+43 дараҷа гарм, дар ноҳияҳои кӯҳӣ шабона 13+18 ва рӯзона 31+36 дараҷа гарм мешавад.
Правила купания в реках и открытых водоемах   - Sputnik Тоҷикистон, 1920, 20.07.2022
Наҷот аз гирдоб: чӣ бояд кард, то ҳангоми шиноварӣ ғарқ нашуд - тасвирбаён
Гармииҳои аз ҳад зиёд Хатлониёнро интизор аст.
Дар ин минтақа ҳаво дар водиҳо шабона 24+29 ва рӯзона 41+46 дараҷа гарм, дар доманакӯҳҳо шабона 19+24 ва рӯзона 35+40 дараҷа гарм мешавад.
Дар шаҳру ноҳияҳои тобеи марказ ҳаво камабри бебориш шуда, ҳаво дар водиҳо шабона 19+24 ва рӯзона 39+44 дараҷа гарм мешавад. Дар ноҳияҳои кӯҳӣ шабона 15+20 ва рӯзона 34+39 дараҷа гарм мешавад.
Дар шаҳри Душанбе ҳавои софи бебориш дар назар аст. Шамол аз самти ғарб бо суръати 3-8 метр дар як сония мевазад. Ҳаво шабона 22+24 ва рӯзона 41+43 дараҷа гарм мешавад.
Қаблан КҲФ ҳушдор дода буд, ки гармиҳои шадид то 23 июл идома меёбад.
Ин ниҳод аз сокинон хоста буд, ки тайи рӯзҳои гарм бештар мувозиби кӯдакон ва калонсолон бошанд.
Лентаи хабарҳо
0