Нафақа дар Тоҷикистон: кӣ чанд сомонӣ мегирад?

Обуна шудан
Баландтарин пули нафақаро дар Тоҷикистон дар шаҳри Душанбе ва Вилояти Мухтори Кӯҳистони Бадахшон мегиранд, гуфт Агентии суғуртаи иҷтимоӣ ва нафақаи ҷумҳурӣ
Агентии суғуртаи иҷтимоӣ ва нафақаи Тоҷикистон, ҳадди миёнгини пули бознишастагиро дар ҷамъбасти нимсолаи аввали соли равон 320 сомонӣ арзёбӣ намуд.
Ба иттилои Агентӣ, ин нишондод дар муқоиса ба ҳамин давраи соли гузашта ҳудуди 1,1 сомонӣ бештар мебошад. Ин ниҳод мегӯяд, ҳамчунин шумори нафақагирон дар соли равон 2,2% афзоиш ёфта, ба ҳолати 1 июли соли 2022 беш аз 761,3 ҳазор нафарро ташкил медиҳанд.
Масъулин таъкид медоранд, ки нафақаи миёнаи аз ҳама баланд дар шаҳри Душанбе дода мешавад, ки муодили 429 сомонӣ мебошад.
Нафақахӯрон дар Вилояти Мухтори Куҳистони Бадахшон 407 сомонӣ пули бознишастагӣ мегиранд.
То 25 ҳазор сомонӣ: нафақаи аз ҳама зиёдро дар Тоҷикистон кӣ мегирад
Ин нишондод дар Хатлон 313 сомонӣ, Суғд 303 сомонӣ ва навоҳии тобеи марказ наздики 300 сомониро ташкил медиҳад.
Роҳбарияти Агентии суғуртаи иҷтимоӣ ва нафақаи Тоҷикистон мегӯянд, дар кишвар баландтарин нафақаро кормандони бонк ва соҳибкорон мегиранд.
Таъкид гардид, ки барои гирифтани нафақаи баланд дар кишвар ягон маҳдудият ҷорӣ нашудааст ва вобаста ба маош пардохт карда мешавад.
Маврид ба зикр аст, ки Тоҷикистон дар феҳрасти кишварҳое қарор дорад, ки аксари сокинонашон ҷавонони қобили кор мебошанд ва солхӯрдаҳо дар таносуби умумии аҳолӣ нисбатан кам арзёбӣ мешаванд.
Лентаи хабарҳо
0