Ғарқшавии 5 ноболиғи тоҷик дар 1 рӯз ва муроҷиати мақомот ба мардум

© Sputnik Люди в Душанбе отдыхают во время жары
Люди в Душанбе отдыхают во время жары - Sputnik Тоҷикистон, 1920, 27.07.2022
Обуна шудан
Yandex newsTelegram
Мақомоти изтирории Тоҷикистон дар пасманзари афзоиши ғарқшавии одамон дар ҷумҳурӣ, махсусан ноболиғон аз шаҳрвандон хостаанд, кӯдаконро беназорат нагузоранд
ДУШАНБЕ, 27 июл — Sputnik. Панҷ ноболиғ тайи шабонарӯзи охир дар Тоҷикистон ғарқ шудаанд, хабар дод Кумитаи ҳолатҳои фавқулоддаи ҷумҳурӣ.
Ба иттилои КҲФ, ҳодисаҳои фоҷеабор дар навоҳии Шаҳринав, Рашт, Данғара, Қубодиёни вилояти Хатлон ва дар шаҳри Панҷакенти вилояти Суғд ба қайд гирифта шудаанд.
Ғарқшудагон ноболиғони соли таваллудашон 2004, 2006 ва 2011 мебошанд, ҷасади чаҳор тани онҳо ба наздиконашон супурда шуда, ҷустуҷӯйи ҷасади ноболиғи 16-сола аз ноҳияи Данғара идома дорад.
Мақомоти ҳолатҳои фавқулодда мегӯянд, ҳамаи ғарқшудаҳо барои ҷойҳое оббозӣ кардаанд, ки барои шиноварӣ пешбинӣ нашудаанд.
Сардори КҲФ Суғд гуфт, сокинони кадом минтақа бештар ғарқ шудаанд
 - Sputnik Тоҷикистон, 1920, 26.07.2022
Сардори КҲФ Суғд гуфт, сокинони кадом минтақа бештар ғарқ шудаанд
Ин дар ҳолест, ки феълан Тоҷикистонро гармои шадид қарор гирифтааст. Сокинон дар талоши наҷот аз гармӣ худро ба обу кӯлҳо мезананд, ки баъзан бо фоҷиа меанҷомад. Яке аз мушкилоти мубрам дар ҷумҳурӣ кам будани маконҳое, ки махсус барои оббозӣ муҷаҳҳаз гардидаанд.
Хабарҳо аз ғарқшавӣ дар моҳи равон дар ҳоле нашр мешаванд, ки КҲФ мегӯяд, нимсолаи аввал дар пайи риоя накардани қоидаҳои шиноварӣ 84 нафар дар рӯдхонаҳо ва обанборҳои кишвар ғарқ шудаанд, ки нисбат ба ҳамин давраи соли гузашта 15 маврид бештар аст.
Аксари ғарқшудагон кӯдакону ноболиғон мебошанд. Ба иттилои КҲФ, миёни ғарқшудагон 7 кӯдаки то 4 сола, 15 кӯдаки аз 5 то 10 сола, 24 нафар ноболиғон аз 11 то 16 сола, 27 нафар аз ҷавонон аз 17 то 35 сола ва 11 нафари дигар аз 35 сола боло ҳастанд.
Лентаи хабарҳо
0