Коҳиши қурби ҳамаи асъор дар Тоҷикистон ва устувории пули миллӣ

© Sputnik Таджикские сомони
Таджикские сомони - Sputnik Тоҷикистон, 1920, 27.07.2022
Обуна шудан
Yandex newsTelegram
Қурби асъори асосӣ дар Тоҷикистон, аз қабили рубли Русия, доллари амрикоӣ ва евро дар нисбати пули миллӣ - сомонӣ поин рафтааст
ДУШАНБЕ, 27 июл — Sputnik. Бонки миллии Тоҷикистон қурби рубли Русияро дар ҷумҳурӣ 0.1682 сомонӣ муқаррар намудаст, ки нисбати нишондоди рӯзи қабл камтар мебошад. Рӯзе пеш арзиши рубл муодили 0.170 сомонӣ буд.
Ба иттилои ин ниҳод, ҳамчунин қурби доллари амрикоӣ низ каме поин рафта, дар сатҳи 10.2670 сомонӣ қарор дорад. Коҳишёбии қурб евроро низ канор нагузоштааст. Ариши ин пули аврупоӣ аз ҷониби бонки миллӣ 10.4107 сомонӣ муқаррар гардидааст.
Дар мавриди қурби қурби миёнаи фурӯши асъори хориҷии нақд ташкилотҳои қарзии ҷумҳурӣ, Бонки миллӣ иттилоъ додаст, ки 1 доллари ИМА ба ивази 10.2670 то 10.2000 сомонӣ, 1 евро аз 10.4107 то 10.5300 сомонӣ ва 1 рубли русӣ аз 0.1682 то 0.1705 сомонӣ харидуфурӯш мешавад.
Здание Амонатбанка Дангаринском районе - Sputnik Тоҷикистон, 1920, 22.07.2022
"Амонатбонк" бо шарикон аз Русия ба додугирифт бо рубл гузаштааст
Дар зимн ин ниҳод ҳушдор додааст, ки берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст. Таъкид шудаст, ки риоя накардани талаботи мазкур ҷавобгарии маъмурӣ ва ҷиноятӣ дар пай дорад.
Раванди устуворшавии пули миллӣ дар Тоҷикистон дар ҳолест, ки ахиран Сироҷиддин Икром, раиси "Амонатбонк" гуфт, таваҷҷуҳ ва эътимоди аҳолӣ ба сомонӣ бештар шудааст.
"Ҳатто нафароне буданд, ки дар бонк пасандози долларӣ доштанд ва он фоиз дошт, аммо аз баҳри фоиз ҳам гузаштаву асъорро иваз карда пасандози сомонӣ гузоштанд", - гуфт ӯ.
Гуфта мешавад, ин бонк танҳо дар ним сол беш аз 2,5 миллиард сомонӣ зиёд ба муомилот баровардааст, ки боз ҳам кам аст. Ин аз он шаҳодат медиҳад, ки мардум ба сомонӣ бештар таваҷҷуҳ кардаанд, афзуданд масъулини "Амонатбонк".
Лентаи хабарҳо
0