Душанбе ва Бишкек макони музокироти нави марзиро муайян карданд

© Sputnik / Сергей Пятаков / Гузариш ба медиабонкГраница, архивное фото
Граница, архивное фото - Sputnik Тоҷикистон, 1920, 28.07.2022
Обуна шудан
Дар Бодканд нишасти шашрӯзаи марбут ба аломатгузории марзи Тоҷикистону Қирғизистон ба поён расид ва пас аз он музокироти навбатӣ ба нақша гирифта шуд
ДУШАНБЕ, 28 июл — Sputnik. Тоҷикистон ва Қирғизистон барои идомаи ҳалли масъалаҳои марбут ба аломатгузорӣ марзи кишварҳо тавофуқ карданд, ки мулоқоти нав баргузор кунанд.
Раёсати иттилооти Вазорати корҳои хориҷии Тоҷикистон хабар дод, ки музокироти навбатӣ ин дафъа дар қаламрави Тоҷикистон сурат мегирад. Аммо макони дақиқи он ҳанӯз мушаххас нашудааст.
Дар хусуси мулоқоти охирини намояндагони ҳар ду мамлакат ва гуруҳҳои корӣ топографӣ бошад, он чи тавре ки пешбинӣ шуда буд, дар Бодканд барпо гардид.
Аз 21 то 26 июл гуфтушунид аз рӯи нақша доир гардид. Тафсилоти бештари баҳсҳо дода нашудааст.
Президент Таджикистан Эмомали Рахмон и президент Кыргызстана Содир Джабборов подписали ряд документов - Sputnik Тоҷикистон, 1920, 27.07.2022
Суҳбати телефонии Раҳмону Ҷабборов: президентҳо аз чӣ гуфтанд?
Қаблан Эмомалӣ Раҳмон, раисиҷумҳури Тоҷикистон бо Содир Ҷабборов, ҳамтои қирғизаш суҳбати телефонӣ анҷом дод. Гуфтугӯи раҳбарони ду кишвар чанд рӯз баъд аз мулоқот дар Чолпон-Отаи Қирғизистон сурат гирифт.
Ҳанӯз маълум нест, ки президентҳо дар суҳбати телефонӣ асосан дар бораи чӣ гуфтанд, аммо таъкид мешавад, ки Раҳмон ва Ҷабборов "бар аҳамияти пешрафти минбаъдаи тамоми доираи равобити Тоҷикистону Қирғизистон таъкид кардаанд."
Президентҳо ҳамчунин доир ба баъзе масъалаҳои рӯзномаи минтақавӣ ва байналмилалӣ табодули назар карданд.
Лентаи хабарҳо
0