Ҳаракати қаторҳо дар масири Душанбе - Волгоград пеш аз муҳлат ба роҳ монда мешавад

© PixabayЖелезная дорога
Железная дорога - Sputnik Тоҷикистон, 1920, 30.07.2022
Обуна шудан
Yandex newsTelegram
Қаторҳои роҳи оҳан миёни Русия ва Тоҷикистон пас аз танаффуси тӯлонӣ ду ҳафта пеш аз муҳлат дубора ба кор шурӯъ мекунанд
ДУШАНБЕ, 30 июл — Sputnik. Мусофирбарӣ тариқи роҳи оҳан миёни Тоҷикистону Русия пеш аз мӯҳлат оғоз мешавад, хабар медиҳад дафтари матбуоти Роҳи оҳани Русия.
Ҳаракати поездҳо байни кишварҳо назар ба ваъдаи қаблан додашуда, ним моҳ пештар ба роҳ монда мешавад.
Агар пештар нақша буд, ки ҳаракати аввалин қатора пас аз танаффуси тӯлонӣ 30 август ба роҳ монда мешавад, тибқи эълони нав он ба 16 август кӯчонида шуд.
Тибқи ҷадвали қаблан эълоншуда, дар ин рӯз нахустин ҳаракат дар масири Душанбе - Волгоград сурат мегирад.
Пассажирский поезд, который отправился с ж/д вокзала Душанбе в Ташкент - Sputnik Тоҷикистон, 1920, 20.07.2022
Дар Тоҷикистон нархи чиптаи қатора аз Душанбе то Волгоградро эълон карданд
Мусофирон аз он рӯзҳои сешанбе метавонанд истифода кунанд ва бозгашт аз шаҳри Русия ба пойтахти Тоҷикистон рӯзи ҷумъа сурат мегирад.
Зоиршо Файзуллоев, муовини раиси Хадамоти амнияти қаторҳои Хатлон қаблан гуфта буд, ки қимати билети қатораҳо дар ин масир ҳудуди 1,4-1,5 ҳазор сомонӣ (қариб 150 доллар) хоҳад буд.
Гузашта аз ин, агар мусофирон як моҳ пештар чипта харидорӣ кунанд, он метавонад 200-300 сомонӣ арзонтар шавад.
Вақти сафар тақрибан 2,5 рӯзро ташкил медиҳад ва худи сафар ҳар ҳафта анҷом дода мешаванд.
Илова бар ин, як хатсайри дигар ваъда шудааст, ки рӯзи 7 сентябр дар самти Хуҷанд - Волгоград ва бозгашт ба нақша гирифта шудааст.
Лентаи хабарҳо
0