Таъйини мукофотпулӣ барои зиёд шудани теъдоди олимон дар Рашт

© Pixabay/congerdesignКнига, очки
Книга, очки - Sputnik Тоҷикистон, 1920, 31.07.2022
Обуна шудан
Yandex newsTelegram
Донишкадаи омӯзгории Тоҷикистон дар ноҳияи Рашт барои бештар кардани теъдоди омӯзгорони дорои унвони илмӣ мукофотпулӣ таъйин намудааст
ДУШАНБЕ, 31 июл — Sputnik. Шӯрои олимони Донишкадаи омӯзгории Тоҷикистон дар ноҳияи Рашт барои ҳимояи рисолаи докторӣ 25 ҳазор сомонӣ мукофотпулӣ таъйин кардааст.
Нашрияи "Садои мардум" аз қавли ректори ин муассиса, Маҳмадёр Раҷабзода овардааст, ки барои ҳимояи рисолаи номзадӣ аз ҳисоби донишкада 15 ҳазор сомонӣ пардохт карда мешавад.
Вай таъкид намудааст, ки ин қарори Шӯрои олимони донишкада аз соли равон мавриди амал қарор гирифта, ҳадафи он ҳавасмандгардонии ҳайати омӯзгорон дар самти корҳои илмию тадқиқотӣ мебошад.
Аҳлиддин Ибодуллозода - Sputnik Тоҷикистон, 1920, 14.06.2022
Ректори нави Донишгоҳи омӯзгорӣ ба бархе аз устодон маблағи бузург ваъда кард
Таъкид шудаст, ки мукофотпулии мазкур аз ҳисоби маблағҳои махсуси муассиса пардохт мегарданд.
Маврид ба зикр аст, ки Донишкадаи омӯзгории Тоҷикистон дар ноҳияи Рашт дар оғози соҳибистиқлолии кишвар барои таъмини соҳаи маориф бо кадрҳои баландихтисос дар минтақа таъсис ёфтааст. Он замон норасоии мутахассисони соҳибтаҳсилот дар минтақа мушкили аввалиндараҷа ба ҳисоб мерафт, гуфт Раҷабзода.
Дар феҳрасти дастовардҳои дигари муассиса зикр гардидаст, ки донишкада ахиран ба ҳайси узви комилҳуқуқи Ассотсиатсияи Донишгоҳи Осиё пазируфта шуда, маҷаллаи он — "Паёми ДОТ дар ноҳияи Рашт" ба Шохиси илмии иқтибосшудаи Русия шомил гардид.
Лентаи хабарҳо
0