Таркишҳои мудҳиш дар наздикии Берлин: видео аз ҷои ҳодиса

Обуна шудан
Дар наздикии пойтахти Олмон дар як анбори лавозимоти ҷангии куҳна, чанд таркиш ба вуқӯъ пайваст: дар натиҷаи ҳолати изтирорӣ сӯхтори шадид сар зад
ДУШАНБЕ, 4 авг – Sputnik. Дар ҷангали Груневалди байни Берлин ва Потсдам баъд аз таркишҳо дар анбори муҳимоти ҷангӣ, сӯхтор ба амал омад.
Дар ин бора хадамоти оташнишонии пойтахти Олмон хабар медиҳад.
Наҷотдиҳандагон қайд карданд, ки таркишҳо дар анбори лавозимоти ҷангии кeҳна рух дода, боиси сӯхтор шудааст.
Дар он ҷо аксар вақт снарядҳои натаркидаи замони ҷанг барҳам дода мешаванд.
Сӯхтор, ки дар натиҷаи таркишҳо ба вуҷуд омадааст, ба ҷангали наздиктарин паҳн шудааст.
"Дар ҳоли ҳозир дар Груневалд оташсӯзӣ ва таркишҳо идома дорад. Хадамоти изтирорӣ расида, сӯхторро таъйид карданд", — навиштааст идораи оташнишонии Берлин дар шабакаи иҷтимоӣ.
Ҳоло сӯхтор 15 ҳазор метри мураббаи ҷангалро фаро гирифтааст, наҷотдиҳандагон то ҳол ба манбаи оташгиранда наздик шуда наметавонанд.
Ҳанӯз эҳтимоли таркишҳои бештар вуҷуд дорад. Ба гуфтаи сӯхторнишонҳо, ба биноҳои истиқоматии ҳамсоя хатаре таҳдид намекунад.
Дар айни замон хатти роҳи оҳан байни Берлин ва Потсдам баста шудааст.
Дар вилояти Маскав як анбори "Ozon" оташ гирифт -видео
Хотирнишон мекунем, ки ҳоло дар Берлин ҳавои хушку гарм муқаррар шудааст. Рӯзона ҳарорати ҳаво то +33 дараҷа гарм мешавад.
Лентаи хабарҳо
0