Геологҳои тоҷик ба технологияи нави кашфи қаъри замин мегузаранд

© Sputnik / Игорь Егоров / Гузариш ба медиабонкЗолоторудное месторождение
Золоторудное месторождение  - Sputnik Тоҷикистон, 1920, 05.08.2022
Обуна шудан
Мақомоти умури саноати маъдани ҷумҳурӣ талош доранд, дар ояндаи наздик ба технология машҳури байналхалқии кӯҳканӣ барои дақиқсозии канданиҳои фоиданок гузаранд
ДУШАНБЕ, 5 авг — Sputnik. Дар Тоҷикистон барои лоиҳакашии конҳо барои истихроҷи канданиҳои фоиданок барномаи Micromine-ро ҷорӣ кардан мехоҳанд.
Дар ин бора дар 5-умин Конфронси байналмилалии истифодабарандагони микроминҳо, ки аз 4 то 5 август дар Душанбе баргузор мешавад, маълум гардид.
Дар конфронс намояндагони Австралия, Фаронса, Қазоқистон, Қирғизистон, Русия, Ӯзбекистон ва Тоҷикистон ширкат доранд.
Раҳбари Саридораи геологияи ҷумҳурӣ Илҳом Оймуҳаммадзода қайд кард, ки дар шароити рушди босуръати технологияҳои муосир, инноватсия ва рақамикунонӣ нармафзори нав барои Тоҷикистон зарур аст.
Барномаи Micromine дар соҳаи геология дар 100 кишвари ҷаҳон васеъ истифода мешавад.
"Вазифа ва гузинаҳои он барои тарҳрезии конҳо, истихроҷи маъдан, моделсозии геологӣ истифода мешаванд. Ин як раванди сода ва тезонидашудаи иктишофӣ, истихроҷи маъдан аст", — гуфт ӯ.
Илова бар ин, Оймуҳаммадзода афзуд, ин барнома метавонад ба таври визуалӣ ва равшан графикҳо эҷод кунад, ки ба геологҳои тоҷик имкон медиҳад, мушкилоти мураккабро ҳал кунанд.
Золотоизвлекательная фабрика СП Зарафшон. Архивное фото - Sputnik Тоҷикистон, 1920, 18.07.2022
Тавлиди тило дар Тоҷикистон бештар шуд: Саҳми Чин чанд аст?
Қаблан ҳукумати кишвар ба Саридораи геология дастур дода буд, ки корҳоро дар самти иктишофи геологӣ, гузариш ба меъёрҳои байналмилалии ҳисобкунии захираҳо, истифода, барқарорсозӣ ва ҳифзи захираҳои маъданӣ пурзӯр намояд.
* Системаи иттилоотии истихроҷи маъдан ва геологӣ Micromine як провайдери мустақили барои саноати кӯҳӣ мебошад. Он ҳалли мукаммалеро пешниҳод мекунад, ки аз иктишоф ва моделсозии 3D то назорати минаҳо, банақшагирӣ, идоракунии маълумот ва тамоми давраи истеҳсолиро фаро мегирад.
Лентаи хабарҳо
0