Ҳаракати аввалин қатори Тоҷикистон ба самти Русия 11 рӯз пас оғоз мешавад

© Sputnik Пассажирский поезд, который отправился с ж/д вокзала Душанбе в Ташкент
Пассажирский поезд, который отправился с ж/д вокзала Душанбе в Ташкент - Sputnik Тоҷикистон, 1920, 05.08.2022
Обуна шудан
Yandex newsTelegram
Вазири нақлиёти Тоҷикистон гуфт, ки ҳаракати аввалин қатори Тоҷикистон ба самти Русия пас таваққуфи тӯлонӣ дар ҳамин моҳ оғоз мешавад
ДУШАНБЕ, 5 август — Sputnik. Нахустин қатора аз Тоҷикистон 16 август ба самти Волгоград равона мешавад, гуфт имни нишасти матбуотӣ Азим Иброҳим, вазири нақлиёти кишвар.
“Нахустин қатора аз шаҳри Кӯлоб ба самти Волгогради Русия пеш аз муҳлати эълоншуда меравад. Қаблан бояд ҳаракати қаторҳои мусофирбар ба самти Русия аз 30 августи соли равон дигарбора оғоз мешуд. Аммо санааш тағйир ёфт ва ҳоло аввалин ҳаракати қатори мусофирбар ба Русия 16 август сурат мегирад”,- гуфт ӯ.
Ҳамчунин вай илова кард, ки 27 август ҳаракати қаторҳо дар масири Душанбе - Волгоград ва 7 сентябр Хуҷанд - Волгоград сурат мегирад.
Дорожная сеть Амурской области - Sputnik Тоҷикистон, 1920, 05.08.2022
Вазорати нақлиёт аз афзоиши ҳаҷми боркашонӣ хабар дод
Дар ҳамин ҳол вазири нақлиёт нагуфт, қимати чипта барои мусофирон чанд сомонӣ хоҳад буд.
“Қимати билетҳо ҳанӯз мушаххас нашудааст, аммо ба шумо итминон медиҳам, ки нархи он барои мусофирон дастрас хоҳад буд”, - гуфт Азим Иброҳим, вазири нақлиёти Тоҷикистон дар нишасти хабарӣ дар Душанбе.
Ин дар ҳолест, ки вазири нақлиёт зимни нишасти матбуотӣ аз барқарорсозии ҳаракати қатораҳо ба самти Ӯзбекистон низ ёдрас шуд.
Ба гуфтаи вазир, мутаассифона, мусофирон ба самти Ӯзбекистон камтар мераванд, аммо новобаста аз камбуди мусофирон ва зарари ҳангуфт ба корхонаи “Роҳи оҳан”-и Тоҷикистон ширкат рафтуомади мусофирон байни ду кишвари ҳамҷаворро ҳифз хоҳад кард.
Возобновление авиасообщения между Россией и Турцией - Sputnik Тоҷикистон, 1920, 10.05.2022
Ифтитоҳи хатсайри нави сайёҳӣ тавассути қатора дар Тоҷикистон
Вай гуфт, аз оғози ҳаракати қатораҳо ҳамагӣ 7 рейс анҷом шудааст, ки тавассути онҳо 906 мусофир рафтуомад кардааст.
“519 нафар аз Тоҷикистон ба Ӯзбекистон рафтааст ва 387 нафар аз Ӯзбекитсон ба Тоҷикистон омадааст”, - қайд кард вазир.
Ҳамчунин вазир гуфт, ки қимати билетҳо аз Душанбе то Қаршӣ бо платскарт 229 сомонӣ, аз Душанбе то Самарқанд 272 сомонӣ ва аз Душанбе то Тошканд 350 сомониро ташкил медиҳад.
Аммо қимати билетҳои купе нисбат ба платскарт як каме гаронтар аст. Тибқи иттилои вазир, билети купе аз Душанбе то Қаршӣ 277 сомонӣ, Душанбе - Самарқанд 333 сомонӣ ва Душанбе - Тошканд 455 сомонӣ арзиш дорад.
Лентаи хабарҳо
0