https://sputnik.tj/20220818/maqomoti-sugd-taminot-tabibon-past-1050802316.html
Мақомоти Суғд гуфтанд, кадом ноҳияҳои вилоят ба камбуди пизишк мувоҷеҳанд
Мақомоти Суғд гуфтанд, кадом ноҳияҳои вилоят ба камбуди пизишк мувоҷеҳанд
Sputnik Тоҷикистон
Масъулони Идораи тандурустии Суғд омореро шарҳ доданд, ки он мушкили норасоии табибон ва кормандони миёнаи тиб дар баъзе аз шаҳру навоҳии ин вилоятро бозгуй мекунад
2022-08-18T19:30+0500
2022-08-18T19:30+0500
2022-08-18T19:30+0500
дар тоҷикистон
суғд
тандурустӣ
табиб
норасоӣ
камбудӣ
мақомот
https://cdnn1.img.sputnik.tj/img/07e4/09/0b/1031884147_0:130:2847:1731_1920x0_80_0_0_796b2f6b96cb170cc30297038b476dc5.jpg
ДУШАНБЕ, 18 авг – Sputnik. Раёсати тандурустии Суғд мегуяд, ҳоло ба аҳолии ин вилоят 5193 табиб ва 17858 корманди миёнаи тиб хизмат мерасонад.Бино ба маълумоти оморӣ ҳоло шумори аҳолии вилояти Суғд ба беш аз 2, 7 миллион рақам зада мешавад.Ҳабибулло Муҳиддинов, сардори Раёсати тандурустии Суғд гуфт, ки дар сатҳи вилоят нишондоди таъминоти табибон ба 10 ҳазор аҳолӣ 19 табиб баробар буда ба ин теъдод аҳолӣ 65 кормандони миёнаи тиб рос меояд.Вале сардори Идораи тандурустӣ шаҳру ноҳияҳоеро ном бурд, ки омори таъминоти табибон ва ҳам кормандони миёнаи соҳа дар онҳо хеле паст будааст.Бино ба иттилоъи манбаъ ҳоло таъминоти аҳолӣ бо кормандони миёнаи тиббӣ дар ноҳияҳои Кӯҳистони Мастчоҳ ба 39, Мастчоҳ 48 ва дар Спитамен ба 41 баробар будааст, ки ин шумор аз омори сатҳи вилоят хеле поён гуфта мешавад.Бар пояи омори Идораи тандурустӣ ҳоло дар вилояти Суғд 934 муассисаи тандурустии давлатӣ ва 238 муассисаи тиббии хусусӣ фаъолият мебарад.Муҳиддинов гуфт, ки аз оғози соли ҷорӣ то ин вақт 137 табиб дар миқёси вилоят ба кор қабул карда шудаанд, вале ӯ нагуфт, ки дар ин муддат чанд тибиби касбӣ тарки кор кардааст.Дафъаҳои охир хабарҳо дар бораи тарки кор кардану ба муҳоҷират рафтани табибон дар расонаҳои хабарӣ бештар паҳн мешаванд.Рӯзи 18 августи ҳар сол ҳамчун иди табибон дар Тоҷикистон таҷлил карда мешавад. Ин сана зодрӯзи Абӯалӣ ибн Сино аст.Чанд рӯз қабл зимни сафари кориаш раисҷумҳур Эмомалӣ Раҳмон ба вилояти Суғд дар шаҳри Хуҷанд ба 45 нафар кормандони соҳаи буҷҷетӣ калиди хонаҳои истиқоматиро тақдим кард, ки дар қатори онҳо табибон ҳам буданд.Ҳукумати вилояти Суғд барои ҳавасмандгардонии табибону омӯзгорон бунёди хонаҳои истиқоматӣ ваъда кардааст.
https://sputnik.tj/20220131/mablaghguzori-maorif-tandurusti-sughd-kam-1045362072.html
https://sputnik.tj/20220713/khatlon-dukhtur-namerasad-1049967364.html
суғд
Sputnik Тоҷикистон
info@sputnik.tj
+74956456601
MIA „Rosiya Segodnya“
2022
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
тоҷикистон, суғд, мақомот, тиб, пизишк, табибон, таъминот, норасоӣ, мушкилот
тоҷикистон, суғд, мақомот, тиб, пизишк, табибон, таъминот, норасоӣ, мушкилот
Мақомоти Суғд гуфтанд, кадом ноҳияҳои вилоят ба камбуди пизишк мувоҷеҳанд
Масъулони Раёсати тандурустии Суғд омореро ироа карданд, ки аз мушкили норасоии табибону кормандони умури тиббӣ дар шаҳру навоҳии ин вилоят шаҳодат медиҳад
ДУШАНБЕ, 18 авг – Sputnik. Раёсати тандурустии Суғд мегуяд, ҳоло ба аҳолии ин вилоят 5193 табиб ва 17858 корманди миёнаи тиб хизмат мерасонад.
Бино ба маълумоти оморӣ ҳоло шумори аҳолии вилояти Суғд ба беш аз 2, 7 миллион рақам зада мешавад.
Ҳабибулло Муҳиддинов, сардори Раёсати тандурустии Суғд гуфт, ки дар сатҳи вилоят нишондоди таъминоти табибон ба 10 ҳазор аҳолӣ 19 табиб баробар буда ба ин теъдод аҳолӣ 65 кормандони миёнаи тиб рос меояд.
Вале сардори Идораи тандурустӣ шаҳру ноҳияҳоеро ном бурд, ки омори таъминоти табибон ва ҳам кормандони миёнаи соҳа дар онҳо хеле паст будааст.
“Нишондоди нисбатан пасти таъминот бо мутахассисони соҳа ба 10 ҳазор аҳолӣ дар ноҳияҳои Деваштич 11 табиб, Зафаробод 12, Айнӣ 11, Бобоҷон Ғафуров 12 ва дар Мастчоҳ ба 13 табиб баробар аст” - иброз намуд, Муҳиддинов.
Бино ба иттилоъи манбаъ ҳоло таъминоти аҳолӣ бо кормандони миёнаи тиббӣ дар ноҳияҳои Кӯҳистони Мастчоҳ ба 39, Мастчоҳ 48 ва дар Спитамен ба 41 баробар будааст, ки ин шумор аз омори сатҳи вилоят хеле поён гуфта мешавад.
Бар пояи омори Идораи тандурустӣ ҳоло дар вилояти Суғд 934 муассисаи тандурустии давлатӣ ва 238 муассисаи тиббии хусусӣ фаъолият мебарад.
Муҳиддинов гуфт, ки аз оғози соли ҷорӣ то ин вақт 137 табиб дар миқёси вилоят ба кор қабул карда шудаанд, вале ӯ нагуфт, ки дар ин муддат чанд тибиби касбӣ тарки кор кардааст.
Дафъаҳои охир хабарҳо дар бораи тарки кор кардану ба муҳоҷират рафтани табибон дар расонаҳои хабарӣ бештар паҳн мешаванд.
Рӯзи 18 августи ҳар сол ҳамчун иди табибон дар Тоҷикистон таҷлил карда мешавад. Ин сана зодрӯзи Абӯалӣ ибн Сино аст.
Чанд рӯз қабл зимни сафари кориаш раисҷумҳур Эмомалӣ Раҳмон ба вилояти Суғд дар шаҳри Хуҷанд ба 45 нафар кормандони соҳаи буҷҷетӣ калиди хонаҳои истиқоматиро тақдим кард, ки дар қатори онҳо табибон ҳам буданд.
Ҳукумати вилояти Суғд барои ҳавасмандгардонии табибону омӯзгорон бунёди хонаҳои истиқоматӣ ваъда кардааст.
