Имзои созишномаи ҳамкорӣ миёни Палатаи савдо ва саноати Хатлон ва Палатаи савдои Қуния

© Embassy of the Republic of Tajikistan to the Republic of TurkeyИмзои санадҳои ҳамкорӣ байни Палатаи савдо ва саноати вилояти Хатлони Тоҷикистон ва Палатаи савдои Кония
Имзои санадҳои ҳамкорӣ байни Палатаи савдо ва саноати вилояти Хатлони Тоҷикистон ва Палатаи савдои Кония - Sputnik Тоҷикистон, 1920, 06.09.2022
Обуна шудан
Дар МОИ “Данғара” Форуми минтақавии дуҷонибаи “Вохӯрии байниминтақавии соҳибкорони вилояти Хатлони Тоҷикистон ва шаҳри Қунияи Туркия” баргузор гардид
ДУШАНБЕ, 6 сен — Sputnik. Миёни Палатаи савдо ва саноати вилояти Хатлони Тоҷикистон ва Палатаи савдои Қуния санади ҳамкорӣ ба имзо расид, иттилоъ додааст сафорати Тоҷикистон дар Туркия.
Ҳамзамон манбаъ иттилоъ додааст, ки миёни МОИ “Данғара” ва Парки технологии “Билишим Вадиси” санадҳои ҳамкорӣ ба имзо расонида шуд.
Санадҳои мазкур дар доираи Форуми минтақавии дуҷонибаи “Вохӯрии байниминтақавии соҳибкорони вилояти Хатлони Тоҷикистон ва шаҳри Қунияи Туркия” ба имзо расидааст.
Турецкий и таджикский флаги - Sputnik Тоҷикистон, 1920, 27.08.2022
Ташкили палатаи тиҷоратию саноатии Тоҷикистон ва Туркия
Қайд карда шудааст, ки дар МОИ “Данғара” бо иштироки доираи васеи ширкатҳои тоҷикию туркӣ, роҳбарияти Кумитаи давлатии сармоягузорӣ ва идораи амволи давлатӣ ва Мақомоти иҷроияи ҳокимияти давлатии вилояти Хатлон Форуми минтақавии дуҷонибаи “Вохӯрии байниминтақавии соҳибкорони вилояти Хатлони Тоҷикистон ва шаҳри Қунияи Туркия” бо назардошти нишастҳои тиҷоратии кории “В2В” баргузор гардид.
Ёдовар мешавем, ки аз 4 то 8 сентябр бо мусоидати Сафорати Тоҷикистон дар шаҳри Анқара ва дигар вазорату идораҳои Тоҷикистон ва Туркия ҳайати тиҷоратии шаҳри Қунияи Туркия барои дарёфти роҳҳои нави тақвияти ҳамкории иқтисодию тиҷоратӣ ба Тоҷикистон сафарбар гардид.
6 сентябр ҳайати тиҷоратии шаҳри Қунияи Туркия ба ноҳияи Данғараи вилояти Хатлони Ҷумҳурии Тоҷикистон рафта, баъд аз мулоқот бо роҳбарияти вилоят ва ноҳия аз Минтақаи озоди иқтисодии “Данғара” ва дигар корхонаҳои саноатӣ боздид ба амал овард.
Лентаи хабарҳо
0