Духтари Назарбоев раисҷумҳур мешавад?

© SPUTNIK / АНАТОЛИЙ УСТИНЕНКОСтаршая дочь Назарбаева — Дарига. Ранее она была вице-премьером, сейчас является депутатом сената Казахстана.
Старшая дочь Назарбаева — Дарига. Ранее она была вице-премьером, сейчас является депутатом сената Казахстана. - Sputnik Тоҷикистон, 1920, 08.09.2022
Обуна шудан
Комиссияи марказии интихоботи Қазоқистон мегӯяд, Дариға Назарбоева метавонад номзадии худро дар интихоботи раёсатҷумҳурӣ пешбарӣ кунад
ДУШАНБЕ, 8 сен — Sputnik. Дариға Назарбоева, сенатори пешини парлумон ва духтари раисҷумҳури собиқи Қазоқистон Нурсултон Назарбоев ҳақ дорад, номзадиашро дар интихоботи президентӣ пешбарӣ намояд, иттилоъ додааст хабаргузории "Orda.kz" дар истинод ба Шавкат Утемисов, аъзои Комиссияи марказии интихоботи Қазоқистон.
Ба гуфтаи вай, чунин ҳақро низ раисҷумҳури собиқи Қазоқистон Нурсултон Назарбоев низ дорад.
“Албатта Дариға метавонад ва пади ӯ ҳам ҳақ дорад номзадиашро пешбарӣ намоянд. Ҳар нафаре, ки ба талабот ҷавобгӯ бошад метавонад номзад ба курсии раёсатҷумҳур шавад”, - таъкид кард номбурда.
Ёдовар мешавем, ки 1 сентябр раисҷумҳури феълии Қазоқистон Қосим Ҷомарт Тоқаев дар бораи интихоботи раёстҷумҳурии пеш аз муҳлат эълон кард. Интихоботи президентӣ тирмоҳи соли 2022 баргузор хоҳад шуд. Аммо мақомот то ҳол санаи дақиқи баргузории интихоботро расонаӣ накардааст.
Город Астана, архивное фото - Sputnik Тоҷикистон, 1920, 02.09.2022
Пойтахти Қазоқистон боз Остона мешавад?
Инчунин Канат Мусин, вазири адлияи Қазоқистон дар бораи қонуни нави сабти ҳизбҳои сиёсӣ дар Қазоқистонро хабар дод.
Ёдовар мешавем, ки моҳи марти соли 2019 Нурсултон Назарбоев эълон кард, ки аз мақомаш канор меравад. Ӯ 30 сол дар сари қудрат буд.
Дар ҳамин ҳол исми Дариға Назарбоева ҳануз дар моҳи январи имсол дар пайи сарзадани ҳодисаҳои Қазоқистон расонаӣ шуда буд.
Намояндаи мардумии қазоқистонӣ Айдос Сарим даъво карда буд, ки Дариға Назарбоева, вакили маҷлис бояд истеъфо диҳад.
Вакили қазоқистонӣ гуфта буд, ки дар ҳодисаҳои моҳи январ дар Қазоқистон ба Дариға Назарбоева рабт доранд.
Лентаи хабарҳо
0