Президент РФ В. Путин прибыл в Душанбе для участия в саммите СВМДА - Sputnik Тоҷикистон, 1920
30 соли дӯстии Тоҷикистону Русия
Аз барқарории муносибатҳои дипломатӣ байни Тоҷикистон ва Русия 30 сол пур мешавад. Русия, ки аввалин шарики стратегии Тоҷикистон мебошад, яке аз аввалинҳо шуда, Истиқлоли давлатии ҷумҳуриро эътироф намуд.

Шиносоии соҳибкорони Красноярски Русия аз вилояти Суғди Тоҷикистон

© SputnikФлаги России и Таджикистана
Флаги России и Таджикистана - Sputnik Тоҷикистон, 1920, 14.09.2022
Обуна шудан
Соҳибкорони вилояти Красноярски Русия ба вилояти Суғди Тоҷикистон сафар мекунанд, то аз наздик аз минтақаи ҷумҳурӣ шиносоӣ пайдо намоянд
ДУШАНБЕ, 14 сен – Sputnik. Соҳибкорони вилояти Красноярски Русия рӯзи 14 сентябр ба вилояти Суғд меоянд, иттилоъ додааст Хадамоти матбуоти Раиси вилояти Суғд.
Тибқи иттилои манбаъ, соҳибкорони рус тайи рӯзҳои 14-17 сентябр дар вилояти Суғд бо тоҷирони вилоят мулоқот намуда, ҷиҳати табодули молу маҳсулот мубодилаи афкор менамоянд.
“Ҳамзамон дар назар аст, ки меҳмонон бо имконияти мавҷудаи соҳаи сайёҳии вилояти Суғд шинос гарданд”, - иттилоъ додааст манбаъ.
Зикр карда шуд, ки меҳмонон аз Регистони Панҷшанбе, Маҷмааи таърихиву фарҳангии Қалъаи Хуҷанд, Осорхонаи таърихии вилояти Суғд, Боғи миллии “Ваҳдат”, Баҳри тоҷик, корхонаҳои Минтақаи озоди иқтисодии “Суғд” боздид карда, дар Форуми тиҷоратии доираҳои соҳибкории вилояти Суғд ва вилояти Красноярск иштирок мекунанд.
Флаги на переговорах верхних палат парламентов России и Таджикистана - Sputnik Тоҷикистон, 1920, 12.09.2022
Додугирифти Тоҷикистону Русия ба як миллиард доллар наздик шудааст
Ёдовар мешавем, ки 15-18 сентябр дар Тоҷикистон Форуми сармоягузории Русияву Тоҷикистон ва моҳи октябр намоишгоҳи муҳандисии тахассусии “Спестмаш – Тоҷикистон 2022” баргузор мегардад.
Ёдовар мешавем, ки дар 7 моҳи соли равон гардиши савдои хориҷӣ миёни Тоҷикистон ва Русия 908,3 млн долларро ташкил намуд, ки ин нишондиҳанда нисбат ба ҳамин давраи соли 2021 268 млн доллар ё 42 дарсад бештар аст.
Ахиран дар маросими таҷлили Рӯзи истиқлоли Тоҷикистон дар шаҳри Маскав вазири иқтисоди Русия Максим Решетников гуфт, ки соли 2021 нишондиҳандаи гардиши савдои дуҷониба ба 1,4 млрд доллар баробар шуда, нисбат ба соли 2020 380 млн доллар ё ин ки 40 фоиз афзоиш ёфт.
Лентаи хабарҳо
0