Дар Русия 67 ташкилоти ҷамъиятӣ, маркази фарҳангӣ ва диаспораҳои тоҷикон сабт шудааст

Празднование Ураза-байрам - Sputnik Тоҷикистон, 1920, 16.09.2022
Обуна шудан
НовостиTelegram
Мақомоти Тоҷикистон мегӯяд, ки аксари ташкилотҳои ҷамъиятии тоҷикон дар хориҷ аз кишвар бо намояндагиҳои давлатӣ робитаи хуби ҳамкорӣ доранд
ДУШАНБЕ, 16 сен — Sputnik. Дар хориҷ аз кишвар 105 ташкилоти ҷамъиятӣ, маркази фарҳангӣ ва диаспораҳои тоҷикон ба таври расмӣ ба қайд гирифта шудааст, дар ин бора вазорати меҳнат, муҳоҷират ва шуғли аҳолии Тоҷикистон хабар додааст.
Тибқи иттилои манбаъ, айни замон, танҳо дар Русия 67 ташкилоти ҷамъиятӣ, маркази фарҳангӣ ва диаспораҳои тоҷикон ба таври расмӣ ба қайд гирифта шудааст.
Инчунин, ба иттилои вазорат ҳоло 7 ташкилоти ҷамъиятӣ дар Украина, 3 ташкилот дар Туркия, 1 Ҷамъияти Олмону Тоҷикистон дар Олмон, 7 ҷамъияти фарҳангӣ дар ИМА, 20 маркази фарҳангии тоҷикон дар Қазоқистон фаъолият доранд.
Центр тестирования трудовых мигрантов в России - Sputnik Тоҷикистон, 1920, 03.09.2022
30 соли дӯстии Тоҷикистону Русия
Дар Русия маркази омӯзишии пеш аз муҳоҷират барои шаҳрвандони Тоҷикистон боз мешавад
Вазорати меҳнат муҳоҷират ва шуғли аҳолӣ таъхкид кардааст, ки ин ташкилотҳо барои таъмини ҳифзи ҳуқуқу манфиатҳои муҳоҷирони меҳнатӣ – шаҳрвандони Тоҷикистон дар хориҷа, таъмини онҳо бо ҷойи кор ва ҳаллу фасл намудани дигар масъалаҳои раванди муҳоҷирати меҳнатӣ саҳми муносиб мегиранд.
Зикр гардидааст, ки таҷрибаи фаъолиятҳо дар ин самт нишон медиҳад, ки қисми бештари намояндагони диаспора, ташкилотҳои ҷамъиятии тоҷикон ва ҳамватанони бурунмарзӣ дар хориҷ, бахусус дар Русия ва Қазоқистон бо намояндагиҳои мақомоти Тоҷикистон дар ин кишварҳо робитаи хуби ҳамкорӣ доранд.
“Мақомот аз амалкардҳои ин намояндагиҳо пайваста дастгирӣ мекунад ва барои ҳалли мушкилоти муҳоҷирони меҳнатӣ - шаҳрвандони Тоҷикистон бевосита мусоидат менамоянд”, - қайд кардааст вазорати меҳнат.
Лентаи хабарҳо
0