Аз Рӯдакӣ то Шерозӣ: кадом роҳҳои Душанбе баста мешаванд

Обуна шудан
Шаҳрдории Душанбе хабар додааст, ки ҳаракати воситаҳои нақлиёт аз канали дериватсионии хиёбони Рӯдакӣ то хиёбони Ҳ. Шерозӣ манъ мегардад
Шурӯъ аз 20 сентябри соли равон бинобар сабаби гузаронидани корҳои сохтмонӣ дар иншооти навсозишавандаи хиёбони Рӯдакӣ, аз канали дериватсионӣ то пайвастшавӣ ба хиёбони Ҳ.Шерозӣ ҳаракати ҳама гуна воситаҳои нақлиёт қатъ гардид, иттилоъ додааст шаҳрдории Душанбе.
Ба нақшаи хатсайрҳои мусофирбари дар ин хиёбон фаъолияткунанда, аз қабили хатсайрҳои автобусии №4, 33 ва хатсайрҳои микроавтобусии №21, 24А, 26, 27 ва 34 тағйирот ворид карда шуда, фаъолияти ин хатсайрҳо то ба истифода додани хиёбони мазкур тавассути кӯчаву хиёбонҳои Ҳофизи Шерозӣ, Карамов, А.Ҳакимзода ва Умари Хайём ба роҳ монда мешавад.
Шаҳрдори аз ронандагони воситаҳои нақлиёт хоҳиш кардаааст, ки талаботи аломатҳои роҳро риоя намуда, аз роҳҳои ҳамшафати хиёбони Рӯдакӣ истифода баранд.
Лентаи хабарҳо
0