Пешниҳоди Раҳмон дар бораи таъсиси Маркази миллии тарҷума

© Пресс-служба Президента ТаджикистанаЭмомалӣ Раҳмон, раисҷумҳури Тоҷикистон
Эмомалӣ Раҳмон, раисҷумҳури Тоҷикистон - Sputnik Тоҷикистон, 1920, 27.09.2022
Обуна шудан
НовостиTelegram
Раисҷумҳури Тоҷикистон ахиран ба масъулин дастур дод, ки дар кишвар Маркази миллии тарҷумаи назди Ҳукумат таъсис дода шавад
ДУШАНБЕ, 27 сен — Sputnik. Эмомалӣ Раҳмон, раисҷумҳури Тоҷикистон супориш дод, ки Маркази миллии тарҷумаи назди Ҳукумати кишвар таъсис дода шавад, иттилоъ додааст дафтари матбуоти раисҷумҳур.
“Бо мақсади фароҳам овардани дастрасии мардум ба адабиёти ҷаҳон, бахусус, адабиёти илмӣ, инчунин бо забонҳои хориҷӣ тавассути асарҳои таърихӣ, фарҳангӣ ва бадеии олимону эҷодкорони кишвар муаррифӣ кардани таъриху фарҳанги миллати куҳанбунёду тамаддунсози тоҷик зарурати таъсиси маркази алоҳидаи тарҷума ва баргардони асари илмиву бадеӣ ба миён омадааст”,- гуфт кишвардори Тоҷикистон.
Ҳамзамон роҳбари кишвар дастур дод, ки масъалаи таъсиси Маркази миллии тарҷумаи назди Ҳукумати Тоҷикистонро баррасӣ карда, дар муҳлати се моҳ санадҳои меъёрии ҳуқуқии заруриро таҳия ва тасдиқ намоянд.
Рӯзи Дониш дар шаҳри Душанбе - Sputnik Тоҷикистон, 1920, 27.09.2022
Пешниҳоди тадриси беҳтари тоҷикӣ дар макотиби ақаллиятҳои миллӣ дар Тоҷикистон
Зикр шуд, ки Ҳукумати кишвар ҳанӯз аз нахустин солҳои соҳибистиқлолӣ масъалаи таълими забонҳои хориҷиро таҳти таваҷҷуҳи хосса қарор дода, барои такмили омӯзиши забонҳои хориҷӣ барои чанд марҳила барномаҳои давлатӣ қабул намуд.
Ҳоло татбиқи Барномаи давлатии такмили таълим ва омӯзиши забонҳои русӣ ва англисӣ барои давраи то соли 2030, ки иҷрои он аз моҳи январи соли 2021 шурӯъ гардидааст, идома дорад.
“Роҳбарони донишгоҳу донишкадаҳоро зарур аст, ки дар самти ба талабот ва стандартҳои байналмилалӣ мутобиқ гардонидани сифати таълим ва сатҳи дониши донишҷӯён тадбирҳои доимӣ ва муассир андешанд”, -гуфт Эмомалӣ Раҳмон.
Рахмон и Рустам Эмомали открыли новую Гимназию Душанбе - Sputnik Тоҷикистон, 1920, 27.09.2022
Ифтитоҳи “Гимназияи Нуриддин” дар Душанбе
Кишвардори Тоҷикистон қайд кард, ки зарурат ва аҳаммияти донистани якчанд забон имрӯз қишрҳои гуногуни ҷомеа, махсусан наврасону ҷавонон ва кормандони сохтору мақомоти давлатиро вазифадор месозад, ки бо дарназардошти талаботи замони муосир барои рушди шахсият ва дастрасии ҳар фард ба иттилооти ҷаҳонӣ ҳатман ба омӯзиши забонҳои хориҷӣ машғул шаванд.
“Имрӯз донистани забони хориҷӣ барои кормандони тамоми сохтору мақомот, аз ҷумла соҳибкорон шарт ва зарур аст”, -афзуд роҳбари давлат.
Таъкид гардид, ки ҳоло Тоҷикистон ба шарофати сиёсати “дарҳои кушода” бо тамоми ҷаҳон ҳамкорӣ дорад.
Вай илова кард, ки ба ҳамин хотир кормандони гузаргоҳҳои сарҳадӣ, яъне гумрукчиён, сарҳадбонон ва муассисаҳои хизматрасонӣ вазифадоранд, ки забони хориҷиро донанд.
Лентаи хабарҳо
0