Таниш дар Баҳри Ҷопон гарм мешавад: Кореяи Шимолӣ ду мушаки дигарро партоб кардааст

© Sputnik / Илья Питалев / Гузариш ба медиабонкПраздничные мероприятия, посвященные 105-й годовщине со дня рождения Ким Ир Сена, в КНДР
Праздничные мероприятия, посвященные 105-й годовщине со дня рождения Ким Ир Сена, в КНДР - Sputnik Тоҷикистон, 1920, 06.10.2022
Обуна шудан
НовостиTelegram
Партобҳо пас аз он сурат гирифтанд, ки дар бораи ба соҳилҳои нимҷазираи Корея кӯчонидани киштии ҳавопаймобари амрикоии "Роналд Рейган" маълум шуд
ДУШАНБЕ, 6 окт — Sputnik. Кореяи Шимолӣ ду мушаки баллистикии кӯтоҳбурдро ба сӯи баҳри Ҷопон партоб кард, хабар медиҳад, харабаргузории Кореяи Ҷанубӣ "Йонхап".
Сарони ситоди муштараки Кореяи Ҷанубӣ хабар доданд, ки КШ ду мушаки кӯтоҳбурдро аз минтақаи Самсеок дар Пхенян партоб кардааст. Гуфта мешавад, ки Парвози аввал соати 6.01 ба вақти маҳаллӣ ва дуввумӣ соати 6.23 анҷом дода шуд.
Вазири дифои Ҷопон Ясуказу Ҳамада гуфт, масофаи мушакҳои баллистикӣ 350 ва 800 километр ва баландии ҳадди аксар 100 ва 50 километрро ташкил додааст. Ҳамзамон артиши Ҷопон хабар дод, ки ҳарду мушак берун аз минтақаи истисноии иқтисодии Ҷопон афтодааст.
Новые расчеты С-400 - Sputnik Тоҷикистон, 1920, 06.10.2022
Дар харитаи ҷаҳон давлати нави ҳастаӣ пайдо шуд: он кадом аст?
"Мо бовар дорем, ки масири ҳадди аққали яке аз мушакҳои партобшуда ғайристандартӣ буд", - афзуд Ҳамада.
Партоби мушакҳои Кореяи Шимолӣ, гуфт ӯ, на танҳо ба амнияти Ҷопон, балки барои тамоми минтақа ва ҷомеаи ҷаҳонӣ таҳдиди ҷиддӣ буда, муқаррароти қатъномаҳои Шӯрои Амнияти Созмони Милали Муттаҳидро вайрон мекунад.
"Ин комилан қобили қабул нест. Мо тавассути роҳҳои дипломатӣ ба Кореяи Шимолӣ эътирози шадид фиристодем", — гуфт вазири ҷопонӣ.
Дар навбати худ вазорати корҳои хориҷии ҶМК изҳорот пахш кард, ки дар он гуфта мешавад, ки Кореяи Шимолӣ партоби мушакҳои баллистикиро ҳамчун чораи зидди тамринҳои муштараки ИМА ва Кореяи Ҷанубӣ, ки ташаннуҷ дар минтақаро афзоиш медиҳад, медонад.
Рӯзи чаҳоршанбе хабаргузории "Йонхап" хабар дод, ки киштии ҳастаии Амрико Роналд Рейган дар пасманзари партоби мушакҳои Кореяи Шимолӣ ба баҳри Ҷопон бармегардад. Худи ҳамон рӯз ҷаласаи Шӯрои Амнияти СММ оид ба Кореяи Шимолӣ баргузор шуд.
Дар ҳоле, ки кишварҳои ғарбӣ Кореяи Шимолиро бечунучаро маҳкум карданд, Русия ва Чин қайд карданд, ки амалҳои ҶМК асосан аз хатти муқобила бо Иёлоти Муттаҳида ва иттифоқчиёни он барангехта шудаанд.
Лентаи хабарҳо
0