Тақвияти сомониву уфти рублу евро: қурби асъор дар Тоҷикистон

© Sputnik / Владимир ТрефиловДенежные купюры, пластиковые карты
Денежные купюры, пластиковые карты - Sputnik Тоҷикистон, 1920, 06.10.2022
Обуна шудан
Дар бозори арзи Тоҷикистон қурби пули миллӣ устувор мешавад. Рубл уфти бештар дошта, еврои аврупоӣ низ майли поинравӣ доранд
ДУШАНБЕ, 6 окт — Sputnik. Бонки миллии Тоҷикистон арзиши сомониро нисбат ба асъор эълон кард. Рубли русӣ давоми як шабонарӯз 1,5 сомонӣ коҳиш ёфтааст.
Тибқи нишондоди ин ниҳод арзиши пули русӣ дар бозори арзи кишвар каме коҳиш ёфта, ҳоло 1000 рубл 166,5 сомонӣ арзиш дорад.
Ин дар ҳолест, ки як рӯз қабл дар кишвар 1000 рубл 168 сомонӣ арзиш дошт.
Асъори аврупоӣ ҳам поин рафтааст. Тибқи иттилои Бонки миллӣ дар бозори арз барои як евро 10.1055 сомонӣ медиҳанд. Ин дар ҳолест, ки ҳанӯз як рӯз пеш қурби евро 10.2200 сомонӣ муқаррар шуда буд.
Дар ҳамин ҳол вазъи пули амрикоӣ бидуни тағйир мондааст. Ҳоло дар кишвар бар ивази як доллар 10.2200 сомонӣ медиҳанд.
Деньги - Sputnik Тоҷикистон, 1920, 04.10.2022
Пасандозро бо кадом асъор бояд нигоҳ дошт? Посухи таҳлилгар
Бонкҳои тиҷории кишвар бошанд, арзиши рублро дар баробари БМТ каме поинтар нигоҳ доштаанд. Аз ҷумла дар "Ориёнбонк" барои ҳазор рубл зимни харид 160 сомонӣ ва зимни фурӯш 169 сомонӣ нарх муқаррар шудааст.
Бонки "Эсхата" қурби ҳазор рублро зимни харид 163 ва дар фурӯш 166,5 сомонӣ муайян намудааст. Дар "Алифбонк" бошад, 1000 рублро 166,5 ва 169,5 сомонӣ харидуфурӯш мекунад.
Дар "Спитаменбонк" низ, 1000 рубл зимни харид 166,5 ва ҳангоми фурӯш 168 сомонӣ қимат дорад.
Дар ҳамин ҳол, Бонки миллӣ ҳушдор медиҳад, ки муомилоти асъории берун аз филиалҳо, марказҳои хидматрасонии бонкӣ, инчунин банкоматҳо ва терминалҳо мамнуъ мебошад.
Риоя накардани ин талабот дар Тоҷикистон ҷавобгарии маъмурӣ ва ҷиноятӣ дар пай дорад.
Лентаи хабарҳо
0