Имзои созишномаҳои ҳамкорӣ дар бахши маориф миёни Тоҷикистону Беларус

© Вазорати маориф ва илми ТоҷикистонИмзои созишномаҳо дар бахши маориф
Имзои созишномаҳо дар бахши маориф - Sputnik Тоҷикистон, 1920, 12.10.2022
Обуна шудан
НовостиTelegram
Дар доираи Форуми соҳибкорони Тоҷикистон ва Беларус, миёни якчанд муассисаҳои таҳсилоти олии касбии ду кишвар созишномаҳои ҳамкорӣ ба имзо расиданд
ДУШАНБЕ, 12 окт – Sputnik. Дар доираи Форуми соҳибкорони Тоҷикистон ва Беларус, ки ахиран дар шаҳри Душанбе баргузор гардид, якчанд муассисаҳои таҳсилоти олии касбии ду кишвар созишномаҳои ҳамкорӣ ба имзо расониданд, иттилоъ додааст маркази матбуоти Вазорати маориф ва илми кишвар.
Созишномаҳо бо муассисаҳои таҳсилоти олии Беларус –Донишгоҳи миллии Тоҷикистон, Донишгоҳи давлатии омӯзгории Тоҷикистон, Донишгоҳи техникии Тоҷикистон, Донишгоҳи давлатии Хуҷанд, Донишгоҳи аграрии Тоҷикистон, Донишгоҳи технологии Тоҷикистон, Донишгоҳи давлатии Данғара, Донишгоҳи давлатии тиҷорати Тоҷикистон, Донишгоҳи славянии Русияву Тоҷикистон, Донишкадаи кӯҳӣ-металлургии Тоҷикистон ва Донишкадаи энергетикии Тоҷикистон ба имзо расониданд.
Ҳамзамон бо муассисаҳои таҳсилоти олии Тоҷикистон — Донишгоҳи давлатии информатика ва радиоэлектроникаи Беларус, Донишгоҳи миллии техникии Беларус, Донишгоҳи давлатии технологии Беларус, Донишгоҳи давлатии техникии Брест, Донишгоҳи давлатии Брест, Донишгоҳи давлатии техникии Гомел, Донишгоҳи давлатии Городно ва Донишгоҳи давлатии лингвистикии Минск созишномаҳои ҳамкорӣ ба имзо расиданд.
Президент Беларуси Александр Лукашенко на встрече с Премьер-министром Таджикистана Кохиром Расулзодой - Sputnik Тоҷикистон, 1920, 12.10.2022
Дӯстӣ дар бозор: Лукашенко гуфт, чиро метавонад ба Тоҷикистон фурӯшаду чиро харад - видео
Иттилоъ дода шудааст, ки дар форум инчунин роҳбарияти сохторҳои дипломатӣ ва масъулини самтҳои кишоварзӣ, саноату соҳибкорӣ ва маориф иштирок намуданд.
Зимни баргузории форум ҷонибҳо доир ба имконияти сармоягузорӣ, ҳамкорӣ дар рушди соҳибкорӣ ва такмили ҳамкории иқтисодию соҳибкорӣ сухан гуфтанд.
Дар форум инчунин зикр гардид, ки дар доираи ҳамкории дуҷониба зиёда аз 90 шартномаву созишнома миёни Тоҷикистону Беларус ба имзо расидаанд, ки онҳо ба ҳамкории мутақобилан судманд дар соҳаҳои сиёсат, тиҷорат, иқтисод, фарҳанг, маориф ва ғайра мусоидат менамоянд.
Ҳамчунин дар заминаи Форуми соҳибкорони Тоҷикистон ва Беларус Намоишгоҳи маҳсулоти ширкатҳои Беларус дар Тоҷикистон ташкил гардид.
Лентаи хабарҳо
0