Сарони Тоҷикистон, Қирғизистон ва Русия дар бораи баҳсҳои марзӣ ба чӣ тавофуқ расиданд?

© Пресс-служба Президента Республики ТаджикистанВстреча Путина с Рахмоном и Жапаровым
Встреча Путина с Рахмоном и Жапаровым - Sputnik Тоҷикистон, 1920, 13.10.2022
Обуна шудан
НовостиTelegram
Сарони кишварҳои Русия Тоҷикистон ва Қирғизистон баъд аз музокироти сеҷониба ба мувофиқа расиданд, ки мушкилотро танҳо бо роҳи сиёсӣ ва дипломатӣ ҳал кунанд
ДУШАНБЕ, 13 окт — Sputnik. Тоҷикистон, Қирғизистон ва Русия аз ин ва баъд масъалаҳои марзӣро танҳо бо роҳи сиёсию дипломатӣ ҳал хоҳанд кард, иттилоъ додааст дафтари матбуоти раисҷумҳур.
Ин масъала дар шаҳри Остонаи Қазоқистон дар мулоқоти сеҷонибаи Президенти Тоҷикистон Эмомалӣ Раҳмон, Президенти Русия Владимир Путин ва кишвардори Қирғизистон Содир Ҷабборов, ки бо ташаббуси ҷониби Русия баргузор гардид, баррасӣ шуд.
Дар ин бора дафтари матбуоти раисҷумҳури Тоҷикистон хабар додааст.
Тибқи иттилои манбаъ, дар мулоқот сарони давлатҳо дар бораи масоили амнияти минтақавӣ ва субот дар Осиёи Марказӣ табодули афкор карданд.
Президенты России, Кыргызстана и Таджикистана - Sputnik Тоҷикистон, 1920, 13.10.2022
Раҳмону Ҷабборов пеш аз дидор бо Путин дасти ҳамдигарро нафишурданд – видео
Зимни вохӯрӣ раванди гуфтушунидҳои делиметатсия ва демаркатсияи сарҳади давлатии Тоҷикистону Қирғизистон баррасӣ гардид.
“Ҷонибҳо ба мувофиқа расиданд, ки масъалаҳои ба миёномада танҳо бо роҳи сиёсию дипломатӣ, инчунин тавассути фаъолгардонии кори гуруҳҳои ҳукуматӣ ва коршиносон дар бораи делиметатсия ва демаркатсия тибқи тавофуқоти қаблан ҳосилшуда, ҳал карда шаванд”, - иттилоъ додааст дафтари матбуотии раисҷумҳур.
Ёдовар мешавем, ки руасои ҷумҳури се кишвар дар ҳошияи Ҳамоиши шашуми Машварати ҳамкорӣ ва тадбирҳои боварӣ дар Осиё дар Остона гуфтугӯ карданд.
Путин, Рахмон и Жапаров обсуждают ситуацию на границе - Sputnik Тоҷикистон, 1920, 13.10.2022
Путин мулоқот бо Раҳмон ва Ҷабборовро оғоз кард: видео
Яке аз мавзуъҳои аслии музокироти се роҳбари кишвар авзоъ дар марзи Тоҷикистону Қирғизистон мебошад.
Путин қабл аз мулоқот гуфт, Тоҷикистон ва Қирғизистон шарикони наздики Русия ҳастанд.
"Мо дар чаҳорчуби созмонҳои байналмилалӣ хеле ҳамкории зич дорем ва албатта шарикони стратегӣ ҳастем. Бояд гуфт, ки як миллион шаҳрванди Қирғизистон дар Русия зиндагӣ, таҳсил ва кор мекунанд. Ва ду миллион шаҳрванди Тоҷикистон низ дар Русия кору зиндагӣ мекунанд", гуфт Владимир Путин.
Лентаи хабарҳо
0