"Мо танҳо наметавонем": Тоҷикистон аз ҷомеаи ҷаҳонӣ силоҳҳои замонавӣ ва бесарнишин хост

© AFP 2023 / MUSUADEQ SADEQТаджикистан-Афганистан граница
Таджикистан-Афганистан граница - Sputnik Тоҷикистон, 1920, 18.10.2022
Обуна шудан
Хадамоти марзбонии Тоҷикистон мегӯяд, ки таъмини амнияти кишварҳои минтақа ва берун аз он танҳо дар заминаи ҳавмкориҳои муштарак даст хоҳад дод.
ДУШАНБЕ, 18 окт — Sputnik. Тоҷикистон ба танҳоӣ қодир ба ҳалли мушкилоти марзӣ бо афғонистон нест.
Дар ин бора муовини аввали фармондеҳи нерӯҳои марзбонии КДАМ Тоҷикистон Раҷабзода Насимҷон дар ҳамоиши мубориза алайҳи терроризм, ки дар Душанбе изҳор дошт.
Ӯ гуфт, ки кишвар сар аз соли 2013 то кунун барои тақвияти марзҳояш бо Афғонистон ҳудуди 77 миллион доллар дар шакси мошину таҷҳизот кумак аз ташкилоту кишварҳои донор дарёфт кардааст.
Аммо ба гуфтаи Раҷабзода ин кумакҳо кофи нестанд ва барои тақвияти бештари марз ёриҳои иловагӣ зарур аст.
"Бояд иқрор шушд, ки новобаста аз талошҳои зиёди ҳукумати Тоҷикистон ва ҷудо кардани маблағи зиёд дар ин самт, ҳастанд баъзе мушкилоте, ки бидуни кумаки хориҷӣ ҳал карда намешавад", - афзуд ӯ.
Мавсуф аз ҷомеаи ҷаҳонӣ ва созмонҳо дархост кард, ки ба кишвар силоҳу таҷҳизоти замонавӣ ва ҳамчунин ҳавопаймоҳои бесарнишин барои назорати манотиқи дур ва дастнораси куҳӣ хост.
Ин афсари марзбонӣ гуфт, баъзе минтақаҳои кӯҳии ҳаммарзи Афғонистонро бидуни ин таҷҳизот назорат кардан ғайриимкон аст.
Рахмон Юсуф Ахмадзод генеральный прокурор РТ, архивное фото - Sputnik Тоҷикистон, 1920, 18.10.2022
Ҳушдори прокурор аз нияти "ДОИШ"*: Азми таҷовуз ба Тоҷикистон ва ОМ аён шуда истодааст
Таъмини амнияти кишварҳои минтақа ва берун аз он танҳо дар заминаи ҳавмкориҳои муштарак даст хоҳад дод.
Ёдовар мешавем, ки Эмомалӣ Раҳмон ва дабири кулли СААД, Станислав Зас низ дар ҳамоиши мазкур мустаҳкам кардани иқтидори ҳифзи сарҳад миёни Тоҷикистон ва Афғонистонро зарур шумурданд.
Тоҷикистон аз аввалин кишвари минтақа аст, ки бо Афғонистон беш аз 1300 киллометр марзи муштарак дорад.
Лентаи хабарҳо
0