Дар Хуҷанд корхонаи “Азия Политекс” бунёд мегардад

CC0 / Pxhere / Пластиковый пакет на улице
Пластиковый пакет на улице - Sputnik Тоҷикистон, 1920, 19.10.2022
Обуна шудан
Мақомоти Тоҷикистон мегӯяд дар шаҳри Хуҷанди вилояти Суғд бунёди корхонаи нави истеҳсоли халтаҳои ҳаҷман калон идома дорад
ДУШАНБЕ, 19 окт – Sputnik. Раванди бунёди корхонаи нави истеҳсоли халтаҳои ҳаҷман калон, воқеъ дар Минтақаи озоди иқтисодии “Суғд” идома дорад, иттилоъ додааст шаҳрдории Хуҷанд.
Тибқи иттилои манбаъ, раиси шаҳри Хуҷанд Фирдавс Шарифзода бо раванди бунёди ин корхона шинос гардид.
Корхонаи нави ҶДММ “Азия Политекс” барои истеҳсоли халтаҳои гуногунҳаҷм пешбинӣ гардида, дар масоҳати 1,6 га бунёд гардидааст.
“Маблағи сармоявии ширкат 2,5 миллион доллари амрикоӣ буда, марҳила ба марҳила то ба 10 миллион доллар расонида мешавад. Баробари мавриди истифода қарор гирифтани марҳилаи аввали он беш аз 100 нафар бо ҷойи кор ва маоши хуб таъмин мешаванд”, - қайд кардааст манбаъ.
Масъулини ширкати "Азия Политекс" иттилоъ доданд, ки таҷҳизоту техникаи зарурӣ аз хориҷи мамлакат ворид ва насбу васл карда мешаванд.
Работа грузового контейнерного терминала - Sputnik Тоҷикистон, 1920, 08.10.2022
Хуҷанд ба хориҷи кишвар ба маблағи 292 млн. сомонӣ маҳсулот содирот кардааст
Раиси шаҳри Хуҷанд Фирдавс Шарифзода зимни боздид зикр кардаст, ки ин иқдомро саноатчиёни шаҳр ҳаматарафа дастгирӣ намуда, ҷиҳати ба кор андохтани иқтидорҳои нави истеҳсолӣ тадбирҳои мушаххасро амалӣ месозанд.
Ӯ зикр кардааст, ки дар ин замина дар Минтақаи озоди иқтисодии "Суғд" заминаҳои васеъ барои роҳандозии фаъолият муҳайё карда шудаанд.
Лентаи хабарҳо
0