Раҳмон интихоби дигарбораи Ҷинпинро ба роҳбарӣ дар Чин шодбош гуфт

© Sputnik / Григорий Сысоев / Гузариш ба медиабонкПрезидент Таджикистана Эмомали Рахмон (справа) и председатель КНР Си Цзиньпин
Президент Таджикистана Эмомали Рахмон (справа) и председатель КНР Си Цзиньпин  - Sputnik Тоҷикистон, 1920, 23.10.2022
Обуна шудан
Раисҷумҳури Тоҷикистон интихоби дигарбораи Си Ҷинпинро ба мақоми роҳбарӣ дар Чин далели дастгирии мардуми ин кишвар аз сиёсати пешгирифтааш хонд
ДУШАНБЕ, 23 окт — Sputnik. Президенти Тоҷикистон, Эмомалӣ Раҳмон роҳбари Чин, Си Ҷинпинро ба муносибати аз нав интихоб гардиданаш ба маснади котиби генералии Кумитаи марказии Ҳизби коммунистии ин кишвар шодбош гуфтаст.
Дар паёми шодбошии Раҳмон таъкид шудааст, ки дубора интихоб гардидани Ҷинпин ба ин маснади сермасъули ҳизбӣ далели обрӯву эътибори баланди ӯ ва аз ҷониби ҷомеаи Чин қатъиян дастгирӣ ёфтани роҳи пешгирифтааш мебошад.
Ба гуфтаи Раҳмон ин роҳи пешгирифтаи Ҷинпин ба рушди ҳамаҷонибаи иҷтимоиву иқтисодӣ ва сиёсии Чин ва таҳкими пайвастаи мақому манзалати он дар арсаи байналмилалӣ нигаронда шудааст.
Председатель КНР Си Цзиньпин - Sputnik Тоҷикистон, 1920, 23.10.2022
Ҷинпин дубора роҳбари Чин шуд: Киҳо дар раёсат боқӣ монданду киҳо нав омаданд?
"Итминон дорам, ки қарорҳои ҳамоиши ҷашнии Ҳизби коммунистии Чин роҳнамои нави ҷомеа ба сӯйи пешрафти бомароми кишвари Шумо хоҳанд гардид", - изҳор дошт Раҳмон.
Вай изҳори боварӣ намудаст, ки талошҳои муштарак дар оянда низ барои тавсеаву таъмиқи муносибатҳои дӯстӣ, ҳусни ҳамҷаворӣ ва шарикии ҳамаҷонибаи стратегии Тоҷикистон ва Чин мусоидат менамоянд. Ӯ таъкид намудаст, ки муносибот ба манфиатҳои мардуми ду кишвар бо иқдоми нави ҳамкории созанда ғанӣ хоҳанд гашт.
Дар охир Эмомалӣ Раҳмон ба Си Ҷинпин саломатӣ, саодатмандӣ, дар фаъолияти сермасъули ҳизбиву давлатиаш дастовардҳои навин ва ба Чини дӯст ва мардуми он сулҳу пешрафт ва шукуфоӣ орзу намудаст.
Маврид ба зикр аст, ки ахиран Си Ҷинпин барои панҷсолаи оянда бори сеюм ба мақоми роҳбарӣ дар Чин интихоб шуд.
Лентаи хабарҳо
0