"Табиби паррон" Тоҷикистонро дар ҷашнвораи театрҳо намояндагӣ мекунад

© Sputnik / Стас ЭтвешХуджандский музыкально-драматический театр им. Камола Худжанди, бывший им. А.С. Пушкина, архивное фото
Худжандский музыкально-драматический театр им. Камола Худжанди, бывший им. А.С. Пушкина, архивное фото - Sputnik Тоҷикистон, 1920, 30.10.2022
Обуна шудан
НовостиTelegram
Фестивали 8-уми байналмилалии театрҳои касбии Осиёи Миёна аз 1 то 7 ноябр дар шаҳри Алмаато дар назар буда, ҳунармандон аз Хуҷанд дар он ширкат мекунанд
ДУШАНБЕ, 30 окт – Sputnik. Театри мусиқӣ-мазҳакавии шаҳри Хуҷанд мазҳакаи "Табиби паррон"-ро дар Фестивали 8-уми байналмилалии театрҳои касбии Осиёи Миёна дар Алмаато пешниҳод мекунанд.
Ба иттилои мақомоти бахши фарҳанги вилояти Суғд, намоиши ин мазҳака дар доираи ҷашнвора рӯзи 5 ноябр дар назар аст.
Тавзеҳ дода шудаст, ки мазҳакаи мазкур аз рӯи пйесаи Жан-Батист Молйер бо коргардонии Суҳроб Шехов ба саҳна гузошта шудааст.
Дар ҷашнвора, ки аз 1 то 7 ноябр дар шаҳри Алмаато баргузор мешавад, ҳунармандони театрҳои Тоҷикистон, Қазоқистон, Туркманистон, Ӯзбекистон ва Қирғизистон ширкат мекунанд.
Дар Русия Рӯзҳои фарҳанги Тоҷикистон баргузор мешавад - Sputnik Тоҷикистон, 1920, 26.10.2022
Бо рақсу мусиқии миллӣ: Рӯзҳои фарҳангии Тоҷикистон дар Маскав чӣ гуна гузашт
Маврид ба зикр аст, ки ин нахустин сафари хориҷии ҳунармандони тоҷик бо мазҳакаи "Табиби паррон" дар соли равон нест.
Баҳори соли равон ҳунармандони Театри мусиқӣ-мазҳакавии шаҳри Хуҷанд дар Фестивали VIII байналмилалии театрии "Киштии Смоленск" аз миёни 22 театри дунё соҳиби ду ҷоизаи байналмилалӣ гардид.
Ҷоизаҳо ба театри Хуҷанд "Барои талфиқи возеҳи анъанаҳои театрии миллӣ ва ҷаҳонӣ" ва "Барои иҷрои бомаҳорати нақши асосии мусиқӣ" супурда шуданд. Ҷоизаи мусиқии беҳтарин барои иҷрои сози доира дар иҷрои ҳунарманди Театри мусиқӣ-мазҳакавии шаҳри Хуҷанд Қаҳрамон Бобоев тақдим шуда буд.
Лентаи хабарҳо
0