Эмомалӣ Раҳмон озими Миср шуд

© Официальная страница пресс-службы президента РТ в FacebookПрезидент Таджикистана Эмомали Рахмон
Президент Таджикистана Эмомали Рахмон - Sputnik Тоҷикистон, 1920, 06.11.2022
Обуна шудан
НовостиTelegram
Раисҷумҳури Тоҷикистонро вазирони энергетикаю захираҳои об, молия, раисони кумитаи давлатии сармоягузорӣ ва кумитаи ҳифзи муҳити зист ҳамроҳӣ мекунанд
ДУШАНБЕ, 6 ноя — Sputnik. Президенти Тоҷикистон, Эмомалӣ Раҳмон дар садри як ҳайати расмӣ барои анҷоми сафари корӣ ба шаҳри Шарм-аш-Шайхи Миср сафар кард.
Ба иттилои дафтари матбуоти раисҷумҳури Тоҷикистон, Раҳмон дар Конфронси 27-уми ҷонибҳои Конвенсияи қолабии СММ оид ба тағйирёбии иқлим иштирок мекунад.
Президентро дар ин сафар ёрдамчиёнаш дар масоили робитаҳои хориҷӣ ва иқтисодӣ, вазирони корҳои хориҷӣ, энергетика ва захираҳои об, молия, раисони Кумитаи давлатии сармоягузорӣ ва амволи давлатӣ, Кумитаи ҳифзи муҳити зист ва дигар шахсони расмӣ ҳамроҳӣ мекунанд.
Маврид ба зикр аст, ки Раҳмон дар ҳамоишҳои байналмилалии сатҳи гуногун пайваста ба тағйирёбии иқлиму масъалаи об таъкид мекунад.
Массовая посевная кампания - Sputnik Тоҷикистон, 1920, 27.10.2022
Вазорати кишоварзӣ гуфт, чаро заминҳои Тоҷикистон камҳосил шудааст
Аз ҷумла ахиран изҳор дошт, бинобар тағйирёбии иқлим ҳамагон шоҳиди зуҳуроти бесобиқаи офатҳои табиӣ шудаанд.
Вай аз гармӣ дар Аврупо, сӯхтори бешазорҳо, хушкшавии дарёҳо ва норасоии об зикр намуда, афзуд, қисмати ҷануби сайёра зери таъсири селу обхезиҳои харобиовар қарор гирифт.
Мутаассифона, ин равандҳо чандин сол аст, ки идома доранд ва таъсири онҳо сол то сол фарогиру шадид мегардад, таъкид кард раисҷумҳур.
Ба гуфтаи Эмомалӣ Раҳмон меҳвари ин равандҳоро об ташкил медиҳад ва зарур хонд, аз иқдомоте кор гирифта шавад, ки амалҳо ва тартиби корбарии онро тағйир диҳад.
Вай афзуд, маҳз тавассути чунин тағйирот метавон ояндаи аз лиҳози захираҳои об амну осуда таъмин карда шавад.
Лентаи хабарҳо
0