https://sputnik.tj/20221108/hushdor-rahbari-markazi-zidditerroristi-idm-afghoniston-1052693177.html
Ҳушдори раҳбари Маркази зиддитеррористии ИДМ аз хатари ДОИШ* ва вазъи Афғонистон
Ҳушдори раҳбари Маркази зиддитеррористии ИДМ аз хатари ДОИШ* ва вазъи Афғонистон
Sputnik Тоҷикистон
Маркази зиддитеррористии Иттиҳоди Давлатҳои Мустақил аз фаъолшавии гуруҳҳои террористӣ дар Афғонистон ва паёмадҳояш барои минтақа ҳушдор дод
2022-11-08T15:40+0500
2022-11-08T15:40+0500
2022-11-08T15:40+0500
афғонистон
идм
осиёи марказӣ
хатар
амният ва мудофиа
https://cdnn1.img.sputnik.tj/img/102376/89/1023768934_0:0:1200:675_1920x0_80_0_0_bd45ad9b9ac505f0da0362591ff70595.jpg
ДУШАНБЕ, 8 ноя — Sputnik. Созмони террористии ДОИШ* тарҳрезии амалиёт алайҳи лоиҳаҳои байналмилалии кишварҳои пасошӯравӣ ва Афғонистонро вусъат бахшидааст. Ин нуктаро роҳбари Маркази зиддитеррористии ИДМ, Евгений Сисоев зимни як ҳамоиши байналмилалӣ дар масоили амниятӣ дар Тошканд баён дошт. Ӯ зикр намуд, ки роҳбарони гуруҳ ба ҷиҳод алайҳи ба ном "ғуломии Чин, Русия, Покистон ва Туркия" даъват кардаанд. Сисоев изҳор дошт, ки чунин раванд метавонад ба сохтмони роҳи бузурги оҳани фароафғонистонӣ, Тирмиз - Кобул - Пешовар ва лӯлаи гази Туркманистон - Афғонистон - Покистон - Ҳиндустон зери хатар гузорад. Вай ҳамчунин ҳушдор дод, ки бад шудани вазъият дар Афғонистон ба амнияти минтақа таҳдид дорад. "Таназзули иҷтимоию иқтисодӣ, гурезаҳо, таҳкими танишҳои қавмию мазҳабӣ, ҷинояткории фаромиллӣ ва нашъаҷаллобӣ ба маротиб хатар ба амнияти Осиёи Миёнаро афзоиш медиҳад", - гуфт Сисоев. Ӯ бо такя ба арзёбии коршиносона илова намуд, ки дар сурати оҷизии толибҳо дар идораи кишвар қисми зиёди Афғонистонро алангаи ҷанг фаро хоҳад гирифт. "Дар кишвар метавонанд амалиёти ҷангӣ рух диҳанду таҳти назорати ҷиҳодиҳои маҳаллӣ ва созмонҳои байналмилалии террористӣ қарор хоҳад гирифт", - афзуд роҳбари Маркази зиддитеррористии ИДМ, Вай ҳушдор дод, ки дар чунин шароит эҳтимоли содироти бесуботӣ ба фазои иттиҳод ва СҲШ вуҷуд дорад. Маврид ба зикр аст, ки толибҳо аз нимаи августи соли гузашта ҳукумат дар Афғонистонро дар ихтиёр доранд. Шарти ҷомеаи ҷаҳонӣ барои эътирофи ҳукуматдорони нав риояи ҳуқуқи инсон, аз ҷумла занон ва ташаккули ҳукумати фарошумул бо ҷалби гуруҳҳои мухталифи қавмӣ, мазҳабӣ ва сиёсӣ мебошад. *-созмони террористии мамнуъ дар Тоҷикистону Русия
https://sputnik.tj/20221104/kobulov-tolibon-konfronsi-maskav-afghoniston-shirkat-1052622503.html
афғонистон
Sputnik Тоҷикистон
info@sputnik.tj
+74956456601
MIA „Rosiya Segodnya“
2022
Sputnik Тоҷикистон
info@sputnik.tj
+74956456601
MIA „Rosiya Segodnya“
Хабарҳо
tg_TJ
Sputnik Тоҷикистон
info@sputnik.tj
+74956456601
MIA „Rosiya Segodnya“
Sputnik Тоҷикистон
info@sputnik.tj
+74956456601
MIA „Rosiya Segodnya“
ҳушдор, мақомдор, идм, хатар, бархоста, афғонистон
ҳушдор, мақомдор, идм, хатар, бархоста, афғонистон
Ҳушдори раҳбари Маркази зиддитеррористии ИДМ аз хатари ДОИШ* ва вазъи Афғонистон
Маркази зиддитеррористии Иттиҳоди Давлатҳои Мустақил аз фаъолшавии гуруҳҳои террористӣ дар Афғонистон ва паёмадҳояш барои минтақа ҳушдор дод
ДУШАНБЕ, 8 ноя — Sputnik. Созмони террористии ДОИШ* тарҳрезии амалиёт алайҳи лоиҳаҳои байналмилалии кишварҳои пасошӯравӣ ва Афғонистонро вусъат бахшидааст.
Ин нуктаро роҳбари Маркази зиддитеррористии ИДМ, Евгений Сисоев зимни як ҳамоиши байналмилалӣ дар масоили амниятӣ дар Тошканд баён дошт.
Ӯ зикр намуд, ки роҳбарони гуруҳ ба ҷиҳод алайҳи ба ном "ғуломии Чин, Русия, Покистон ва Туркия" даъват кардаанд.
Сисоев изҳор дошт, ки чунин раванд метавонад ба сохтмони роҳи бузурги оҳани фароафғонистонӣ, Тирмиз - Кобул - Пешовар ва лӯлаи гази Туркманистон - Афғонистон - Покистон - Ҳиндустон зери хатар гузорад.
Вай ҳамчунин ҳушдор дод, ки бад шудани вазъият дар Афғонистон ба амнияти минтақа таҳдид дорад.
"Таназзули иҷтимоию иқтисодӣ, гурезаҳо, таҳкими танишҳои қавмию мазҳабӣ, ҷинояткории фаромиллӣ ва нашъаҷаллобӣ ба маротиб хатар ба амнияти Осиёи Миёнаро афзоиш медиҳад", - гуфт Сисоев.
Ӯ бо такя ба арзёбии коршиносона илова намуд, ки дар сурати оҷизии толибҳо дар идораи кишвар қисми зиёди Афғонистонро алангаи ҷанг фаро хоҳад гирифт.
"Дар кишвар метавонанд амалиёти ҷангӣ рух диҳанду таҳти назорати ҷиҳодиҳои маҳаллӣ ва созмонҳои байналмилалии террористӣ қарор хоҳад гирифт", - афзуд роҳбари Маркази зиддитеррористии ИДМ,
Вай ҳушдор дод, ки дар чунин шароит эҳтимоли содироти бесуботӣ ба фазои иттиҳод ва СҲШ вуҷуд дорад.
Маврид ба зикр аст, ки толибҳо аз нимаи августи соли гузашта ҳукумат дар Афғонистонро дар ихтиёр доранд. Шарти ҷомеаи ҷаҳонӣ барои эътирофи ҳукуматдорони нав риояи ҳуқуқи инсон, аз ҷумла занон ва ташаккули ҳукумати фарошумул бо ҷалби гуруҳҳои мухталифи қавмӣ, мазҳабӣ ва сиёсӣ мебошад.
*-созмони террористии мамнуъ дар Тоҷикистону Русия
