Собянин болоравии нархи патентро тасдиқ кард: Дар куҷо чанд пул хоҳад буд?

© Sputnik / Кирилл Каллиников / Гузариш ба медиабонкВыдача патентов в миграционном центре Московской области. Архивное фото
Выдача патентов в миграционном центре Московской области. Архивное фото - Sputnik Тоҷикистон, 1920, 09.11.2022
Обуна шудан
Маоши муҳоҷирони корӣ дар он бахшҳое, ки фаъолият доранд, афзоиш ёфтаст ва мутаносибан ҳаққи патент дар Маскав низ боло бурда мешавад, гуфт шаҳрдорӣ
ДУШАНБЕ, 9 ноя — Sputnik. Шаҳрдори Маскав, Сергей Собянин арзиши патентро барои муҳоҷирони корӣ дар соли 2023 тасдиқ кард.
Бар асоси қарори шаҳрдорӣ, соли оянда муҳоҷиронро зарур меояд, барои патент моҳе 6,6 ҳазор рублро пардохт намоянд. Соли равон ин нишондиҳанда ба 5,9 ҳазор рубл дар як моҳ баробар мебошад.
Маврид ба зикр аст, ки шаҳрвандони чаҳор кишвар – Тоҷикистон, Ӯзбекистон, Молдова ва Озарбойҷон барои кор дар Русия патент мегиранд, ки қисми зиёдашон ба шаҳру вилояти Маскав рост меояд.
Заместитель председателя правительства РФ Алексей Оверчук - Sputnik Тоҷикистон, 1920, 09.11.2022
Оверчук баъди гуфтушунид дар Душанбе: Дар бахши муҳоҷират сабукиҳо мешаванд
Қаблан мақомдори бахши рушди иқтисоди Маскав, Даря Мурченко изҳор дошт, ки соли 2022 маоши расмии муҳоҷирон дар бахшҳое, ки фаъолият доранд ҳудуди 11,5% афзоиш ёфт ва мутаносибан ҳаққи патент низ боло бурда мешавад.
Интизор меравад, ки аз ҳисоби болоравии нархи патент дар Маскав буҷаи пойтахти Русия даромади иловагӣ ба андозаи 3 млрд рубл гирад. Таъкид мегардад, ки ҳамин тариқ сарбории андозии муҳоҷирони корию шаҳрвандони муқимӣ баробар карда мешавад.
Қаблан хабар дода шуд, ки нархи патент дар минтақаи маъруфи дигар миёни муҳоҷирон - шаҳри Санкт-Петербург ва вилояти Ленинград аз 4200 то 4400 рубл боло бурда мешавад. Дар вилояти Самара ҳаққи патент, ки феълан ҳудуди 4,4 ҳазор рубл аст, то 5,7 ҳазор рубл боло меравад.
Лентаи хабарҳо
0